युरोपमा कोरोनाको पहिलो ‘इपिसेन्टर’ इटलीले जुनदेखि पर्यटकलाई स्वागत गर्दै

Best Khabar Team | २०२६ पुष १७ गते बिहिबार

१७ मे, २०२०
मिलानो । कोरोना भाइरस (कोभिड १९) को पहिलो इपिसेन्टर बनेको युरोपेली मुलुक इटली ३ महिना लामो कोरोना युद्दबाट तंग्रदै पुनः पुरानै लयमा फर्कन लागेको छ । यद्यपि अहिले पनि इटलीमा कोरोना भाइरसबाट ज्यान गुमाउने तथा संक्रमितहरुको संख्या दैनिक २ सयको हाराहारीमा रहेको छ । यहाँका प्रधानमन्त्री प्रधानमन्त्री जोसेप कोन्टले करिब ३ महिना लामो कोरोनाको कहरलाई चिर्दै सरकारले देशलाई पुनानै अवस्थामा फर्काउने घोषणा गरेका हुन् । उनले यही जुन ३ तारिखका दिनदेखि इटलीले विश्वभरका पर्यटकलाई स्वागत गर्ने जानकारी दिए ।

अहिले इटलीमा कोरोना भाइरसको संक्रमण नियन्त्रणमा रहेको छ । चीनको बुहानबाट शुरुभएको कोरोनाले चीन र इरानपछि पहिलो पटक युरोपको इटलीमा धेरै जनधनको क्षति पु¥याएको थियो । जसका कारण इटलीम ३१ हजार ७ सय ६३ जनाले ज्यान गुमाएका छन् । यस्तै हालसम्म २ लाख २४ हजार ७ सय ६० जना संक्रमित बनेका छन् । कोरोनाको संक्रमण ह्वात्तै बढेपछि इटली सरकारले मार्च महिनाको पहिलो सातादेखि नै देशभर संकटकालको घोषणा गर्दै आम नागरिकलाई घर बाहिर ननिस्कन आग्रह गरेको थियो ।

पर्यटननमा निर्भर युरोपेली मुलुकमा कोरोनासँगै पर्यटकहरुको आवागमन ठप्प भएपछि इटलीको आर्थिक अवस्था पनि कमजोर बन्दै गएको थियो । तर अब विस्तारै नयाँ संक्रमितहरुको संख्या कम हुँदै गएपछि सरकारले अघोषित लकडाउनलाई खुकुलो बनाउँदै पर्यटकहरुले निर्वाध रुपमा इटली आउनसक्ने घोषणा गरेको हो । वर्षेनी करोडौं मानिसहरु घुम्नै लागि विश्वभरबाट इटली आउने गरेका न् । इटलीले अहिलेसम्म औपचारिक रुपमा सिमा बन्द भएको घोषणा नगरेको भएपनि कोरोनाको बज्रपातपछि अन्य युरोपेली राष्ट्रहरुले सिमा नाका बन्द गरेसँगै यसको प्रत्यक्ष प्रभाव इटलीमा समेत परेको छ ।

मार्चको दोश्रोसातादेखि बढ्दो कोरोना संक्रमणका कारण र युरोपमा पहिलो पटक इपिसेन्टर बनेका कारण इटलीमा रहेका विदेशी पर्यटक अप्ठेरोमा परेका थिए । यस्तै, इटली आउन चाहने पर्यटकहरुको योजना पनि चकनाचुर बनेको थियो । गएको मार्चमा युरोपेली युनियनले कोरोनाको कारण देखाउँदै विदेशी नागरिकहरुलाई सेन्जेन राष्ट्र प्रवेशका लागि तत्कालीन अवस्थामा रोक लगाएको थियो । त्यसपछि युरोपेली युनियनका २२ सदस्य राष्ट्र र युरोपेलि युनियनसम्बद्ध २७ राष्ट्र प्रत्यक्ष प्रभावित बनेको थियो ।

त्यतिबेला अत्यावश्यकीय सेवमा रहेका तथा चिकित्सकहरुका लागि मात्रै एक देशबाट अर्को देशमा यात्राको अनुमति प्रदान गरिएको थियो । तर गएको बुधबार प्रधानमन्त्रीले गिष्मकालीन यात्राका लागि अब विदेशी तथा युरोपेली युनियन सम्बद्ध राष्ट्रका नागरिकहरुर्लाइ अनुमति प्रदान गरेको घोषणा गरेका छन् । योसँगै इटलीले आफ्ना छिमेकी राष्ट्रहरुको सिमा पुनः सञ्चालन गर्ने निर्णय गरेको छ । सरकारको यो निर्णयसँगै अब इटलीमा विदेशी पर्यटकहरुले यात्रा गर्न पाउनेछन् तर युरोपेली युनियनले तय गरेको मापदण्ड भने यहाँ आउने सबै देशका पर्यटकले पुरा गर्नुपर्नेछ । इटलीमा यात्रा गर्ने विदेशी देशका नागरिकहरुले भने १४ दिनसम्म क्वारेन्टाइनमा बस्नुपर्ने भएको छ । तर यो नियम युरोपेली युनियन सम्बद्ध राष्ट्रका नागरिकहरुलाई लागू हुने छैन । आगामी जुन ३ तारिखका दिन देखि शुरुमा सेन्जेन राष्ट्रका नागरिकहरुलाई इटलीले खुला गरेको छ । कतिपय अन्तराष्ट्रिय नागरिकहरु विभिन्न देशमा भएको लकडाउनका कारण ट्रन्जिट हुदै इटली आउन सक्ने अवस्था छैन ।

प्रधानमन्त्री कोन्टेले आम नागरिक लामो समय घरमै बस्दा प्रताडित बनेको भन्दै उनीहरुलाई राहत दिनका लागि आफूले यस्तो घोषणा गरेको बताएका छन् । नागरिकको सुरक्षा सरकारको पहिलो कर्तव्य भएको भन्दै उनले देशको सिमा खुल्ला गरिएपनि आवश्यक मापदण्ड सबैले पुरा गर्नुपर्ने बताए । प्रधानमन्त्रीले बुधबार एउटा सार्वजनिक सम्बोधन मार्फत आगामी मे २५ तारिखदेखि व्यायाम गर्ने जीमहल, स्विमिङ पुल, स्पोर्ट्स सेन्टर तथा जुन १५ देखि सिनेमाघर तथा थियटरहरु र बारहरु खुल्लो बताएका छन् ।

यद्यपि कोरोनाको संक्रमणको जोखिम उत्तिकै रहेको भएपनि देशको आर्थिक अवस्थालाई जीवितै राख्न यो निर्णय गरिएको उनको भनाई छ । इटलीसँग सिमाना जोडिएको स्लोभेनियाले यसअघि नै आफ्नो देशलाई कोरोना मुक्त देशको रुपमा घोषणा गरिसकेको छ । इटलीले विद्यालय तथा अन्य मानिसहरुको धेरै भीड हुने क्षेत्र भने जुलाईदेखि मात्रै सञ्चालन गर्ने गरी कार्यविधि तयार गरेको छ ।