बेल्जियममा नेपाल महोत्सव आयोजना गरिँदै

Best Khabar Team | २०७६ जेठ २० गते सोमबार

०३ जुन, २०१९
ब्रसेल्स । ‘नेपाली कला संस्कृतिको संरक्षण गरौं, नेपाल महोत्सवमा सहभागी बनौं’ भन्ने मूल नाराका साथ बेल्जियममा नेपाल महोत्सवको आयोजना हुँदैछ । गैर अवासीय नेपाली संघ बेल्जियमको आयोजनामा हुन लागेको सो महोत्सव यही जुलाई २८ तारिखका दिन सञ्चालन हुने बताइएको छ ।

बेल्जियमको एन्र्तोपेनस्थित गोर्टेमार्केटमा हुने सो महोत्सवमा नेपाली कला संस्कृति झल्कने स्टलहरु राखिने छ । सो अवसमा नेपाली खाना, नेपाली भेषभुषा सम्बन्धी स्टलहरु समेत रहने बताइएको छ । महोत्सवको दिन बिहान बेल्जियमका विभिन्न स्थानमा बस्ने नेपालीहरु आफ्नो जातजाती तथा संस्कृति झल्कने नेपाली भेषभूषामा झाँकी सहित कार्यक्रमस्थल पुग्नेछन् । नेपाल भ्रमण वर्ष २०२० को पूर्वसन्ध्यामा हुन लागेको नेपाल महोत्सवले नेपाल र नेपालीको बारेमा पर्यटकहरुलाई थप जानकारी पुग्ने विश्वास आयोजकको छ ।

गैर आवासीय नेपाली संघ बेल्जियमले हरेक वर्ष नेपाल महोत्सव गर्दै आइरहेको छ । कार्यक्रममा नेपाली कलाकारहरुले प्रत्यक्ष रुपमा सांगीतिक प्रस्तुती समेत पस्कनेछन् ।