धरानका युगल लिम्बु बेलायतको नदि किनारमा मृत भेटिए

Best Khabar Team | २०७६ फाल्गुन २७ गते मंगलबार

१०, मार्च, २०२०
लण्डन । पूर्वी नेपालको धरान घर भएका एक युवक बेलायतको केन्ट अस्फोर्ट नजिकै रहेको भिक्टोरिया पार्कको स्टावर नदी किनारमा मृत अवस्थामा भेटिएका छन् । धरानका अन्दाजी ३३ वर्षका युगल लिम्बुको शव हिजो दिउँसो प्रहरीले नदी किनारमा फेला परेको जनाएको छ ।

उनी यहाँको स्थानीय समय अनुसार गएको शनिबार दिउँसोदेखि बेपत्ता थिए । परिवार र साथीभाईसँग उनी सम्पर्क विहिन बनेका उनलाई प्रहरीले हेलिकोप्टरको साहारामा खोजी गरेको थियो । विगत चार वर्षदेखि उनी केन्ट अस्फोर्टमा बस्दै आएका थिए । उनी विद्यार्थी भिषामा लण्डन आएको बताइएको छ ।

उनको शवलाई अहिले प्रहरीले स्थानीय अस्पतालमा राखेर पोष्टमार्टमको प्रक्रिया अघि बढाएको छ । उनले आत्महत्या गरे वा हत्या भयो भन्ने विषयमा केही खुल्न सकेको छैन ।