नेपालमा विदेशी उडान अप्रिल ३० सम्मका लागि रोकियो

Best Khabar Team | २०७७ असार २० गते शनिबार

०७ मार्च, २०२०
काठमाडौं । सरकारले नेपालमा हुने अन्र्तराष्ट्रिय उडान बैशाख १८ अर्थात् आगामी अप्रील ३० सम्मको लागि स्थगित गर्ने निर्णय गरेको छ । कोरोना नियन्त्रण र रोकथाम सम्बन्धी सरकारी संयन्त्रको आज बसेको बैठकले विश्वका विभिन्न मुलुकमा हाल विद्यमान कोरोनाको जोखिमलाई मध्यनजर गर्दै अप्रिल ३० सम्मको लागि अन्र्तराष्ट्रिय उडानमा प्रतिबन्ध लगाउने निर्णय गरेको हो । योसँगै अब आगामी बैशाख १८ गतेसम्म विश्वका कुनैपनि मुलुकबाट यात्रुबाहक विमान यात्रु लिएर नेपाल जान पाउने छैनन् ।

नेपालमा आउने कतिपय अन्तर्राष्ट्रिय  उडान कम्पनीहरुले उडान प्रतिबन्ध लगाएकै बेला नेपाल सरकारले पनि यो निर्णय गरेको हो । विश्वका धेरै देशहरुले अहिले अन्र्तराष्ट्रिय उडान कटौती तथा कतिपयले ठप्प पारेका छन् । यसको प्रभाव नेपालको हवाई आकाशमा पनि देखिएको छ । यसअघि सो संयन्त्रले आगामी बैशाख ०३ गतेसम्मका लागि हवाई उडानमा प्रतिबन्ध लगाउने घोषणा गरेको थियो । तर कोरोना संक्रमितको संख्या विश्वका विभिन्न मुलुकमा थपिँदै गएका कारण उडानको समय थप पछि धकेल्नु परेको बताइएको छ ।

यद्यपि नेपालमा रहेका विदेशी पर्यटकको उद्दारका लागि भने विश्वका जुनसुकै मुलुकबाट पनि विमानहरु आउन पाउने व्यवस्था सरकारले गरेको छ ।

Comment from facebook