फ्रान्समा कोरोना ताण्डब : एकैदिन १४ सय भन्दा बढीको मृत्यु

Best Khabar Team | २०७६ चैत्र २५ गते मंगलबार

०७ अप्रिल २०२०
पेरिस । फ्रान्समा पछिल्लो दिनहरुमा कोरोनाका कारण मानिसहरुको हताहतिको संख्या ह्वात्तै बढेको छ । मंगलबार मात्रै फ्रान्समा कोरोनाका कारण १ हजार ४ सय १७ जनाको ज्यान गएको छ । कोरोना सम्बन्धी प्रत्यक्ष जानकारी अपडेट गर्ने वल्डोमिटर्स डटकमले मंगलबार स्थानीय समय अनुसार साँझ साढे ८ बजे जारी गरेको तथ्यांक अनुसार मंगलबारमात्रै थप ११ हजार ६९ जना कोरोनाका नयाँ विरामी भेटिएका छन् ।

सोमबार अर्थात् हिजो यही समयसम्म फ्रान्समा कोरोनाका कारण थप ८ सय ३३ जनाको ज्यान गएको थियो भने ५ हजार १ सय ७१ जना नयाँ विरामी भेटिएका थिए । फ्रान्समा यो समाचार तयार गर्दासम्म कोरोना संक्रमितको संख्या १ लाख ९ हजार नाघेको छ । ती मध्ये ७ हजारभन्दा बढीको अवस्था गम्भीर छ । कोरोना संक्रमित तथा मृतकको संख्या बढ्दै गएपछि यहाँको सरकारले आम नागरिकहरुलाई घरभित्रै बस्न र सुरक्षाको लागि सरकारले गरेको आग्रहलाई अक्षरस पालन गर्न अनुरोध गरेको छ ।