कोरोनाको आशंकामा नमुना लिन गएको नेपाल एयरलाइन्सको विमान नेपालगञ्जमा धावनमार्गमा चिप्लियो : विमान रहेका ५ जना सुरक्षित

Best Khabar Team | २०२६ पुष १७ गते बिहिबार

२८ मार्च, २०२०
बाँके । आज बिहान कोरोनाको आशंका गरिएकाहरुको स्वाबको नमुना लिन काठमाडौंबाट आएको विमान अवतरणका क्रममा नेपालगञ्ज विमानस्थलमा चिप्लिएको छ । नेपाल एयरलाईन्सको वाई १२ ई कलसाईन भएको सो विमान अवतरणका क्रममा विमानस्थलको धावनमार्गबाट चिप्लिएर छेउको जाली तथा घाँसे मैदानमा पुगेर रोकिएको थियो । विमान चिप्लिएको भएपनि विमानमा रहेका चालक दलका ३ सहित २ चिकित्सकहरु सकुशल रहेको बताइएको छ ।

विमानस्थल स्रोतका अनुसार नेपालगञ्ज र आसपासका क्षेत्रमा रहेका एक दर्जन बढी अस्पतालमा भर्ना भएका विरामीहरुको नमुना परीक्षण (कोरोनाको आशंमा) का लागि स्वाब लिन भन्दै स्वास्थ्य मन्त्रालयले सो विमानमा चिकित्सकसहितको टोली राखेर नेपालगञ्ज पठाएको थियो । विमान अवतरणका क्रमणमा धावनमार्गबाट केहीमिटर पर पुगेको भएपनि विमानमा रहेका सबैजना सकुशल रहेका छन् । विमानमा दुई जना चिकित्सक र तीन चालक दलका सदस्य रहेका थिए । घटना लगत्तै विमानमा रहेकाहरुको उद्दार गरी उनीहरुलाई काठमाडौंबाट आएको अर्को विमानमा राखेर पठाईको नेपाल विमानस्थल प्रमुखले जानकारी दिए ।

विमानस्थल स्रोतका अनुसार सो विमान चिप्लनुको कारण अहिलेसम्म पत्ता लाग्न सकेको छैन । सो विमान स्वास्थ्य मन्त्रालयले चार्टर गरेर नेपालगञ्ज पठाइएको बताइएको छ ।

Comment from facebook