Best Khabar Team | २०२६ पुष १७ गते बिहिबार

---

२१ अप्रिल, २०२०
गाईघाट । उदयपुरको भुल्केस्थित एकै गाउँका ८ जनामा कोरोनाको संक्रमण भएको आशंका गरिएको छ । यसअघि १३ जना कोरोना संक्रमित भेटिएको भुल्केको स्थानीय मस्जिद नजिकैको गाउँका ८ जनामा कोरोनाको आशंका गर्दै उनीहरुको केहीदिन अघि उनीहरुको स्वाब विराटनगरस्थित कोशी अञ्चल अस्पतालमा ल्याइएकोमा उनीहरुमा कोरोना संक्रमण पोजेटिभ देखिएको बताइएको छ ।

-यापिड टेस्टका क्रममा उनीहरुमा कोरोनाको पोजेटिभ लक्षण देखिएपछि उनीहरुको नमुना परीक्षण थप परीक्षण हाल धरानस्थित वीपी कोइराला स्वास्थ्य विज्ञान प्रतिष्ठानमा भै रहेको छ । प्रतिष्ठानले पिसिआर पद्दतिबाट स्वाबको परीक्षण गरी कोरोना भए नभएको एकिन गर्नेछ । स्थानीय एक मस्जिदमा केहीदिन अघि १४ जनामा कोरोना संक्रमण भेटिएपछि गाउँ नै सिल गरेर परीक्षण थालिएको थियो ।

सोही मस्जिदमा रहँदै आएका थप एकजनामा ३ दिनअघि कोरोनाको संक्रमण देखिएपछि सो मस्जिदमा रहँदै आएका १४ जनामा कोरोना भएको पुष्टि भएको थियो । उनीहरुको कन्ट्रयाक ट्रेसिङ्गका आधारमा भुल्के गाउँका करिब ७० घर परिवारको नमुना परीक्षण गरिएको थियो ।

सेनाले गाउँमा पुगेर गरेको नमुना परीक्षणका क्रममा थप ८ जनामा कोरोनाको आशंका गरिएको हो । संक्रमणको आशंका गरिएका ८ जना पुरुषलाई आजै एम्बुलेन्समा राखेर धरानस्थित आइसोलेसनमा पठाइएको छ ।

---

Comment from facebook