Best Khabar Team | २०२६ पुष १७ गते बिहिबार

---

२८ अगस्ट, २०२०
काठमाडौं । पूर्वी नेपालको मोरङ्ग जिल्ला घर भएकी सज्जा चौलागाईले नेपाल आइडल सिजन–३ को उपाधि जित्न सफल भएकी छिन् । योसँगै उनी नेपाली अन्तर्राष्ट्रिय फ्रेन्चाइज रियालिटी सोकि प्रथम नारी (महिला) बिजेताको रुपमा आफ्नो नाम दर्ज गराउन सफल भएकी छिन् ।

काठमाडौंमा आज भएको नेपाल आइडल सिजन–३ को फाइल प्रतिस्पर्धामा प्रवीण बेटुवाल र किरणकुमार भुजेललाई पछि पार्दै उपाधि जित्न सफल भएकी हुन् । चौलागाईले उपाधि जित्दै गर्दा भेटुवाल पहिलो रनरअप र भुजेल दोश्रो रनरअप बने । दर्शकबाट प्राप्त मत र निर्णायकको मूल्यांकनबाट चौलागाईले उपाधि जितेको घोषणा गरिएको थियो ।

योसँगै उनले ५० लाख रुपैयाँ नगद पुरस्कार प्राप्त गरेकी छन् भने भेटुबालले १०लाख र भुजेलले ५ लाख पुरस्कार प्राप्त गरेका छन् । स्कुले जीवनदेखि नै गायनमा पाइला राखेको बताउने चौगागाई क्याम्पस जीवनमा पनि गायन क्षेत्रमा सक्रिय रहेकी थिइन् भने अहिले पनि विभिन्न सांगीतिक व्याण्डसँग आबद्ध भएर सांगीतिक प्रस्तुती दिँदै आएकी थिइन् ।

यस्तै पहिलो रनरअप बनेका भेटुवाल बर्दिया राजापुरका र दोश्रो रनरअप बनेका भुजेल महोत्तरी बर्दिबासका स्थायी बासिन्दा रहेका छन् । उनीहरुले पनि सानैदेखि आफूहरुमा सांगीतिक झुकाव रहेको बताउँदै आएका छन् ।

---

Comment from facebook