भारतमा आश्रय लिइरहेकी बंगलादेशकी पूर्व प्रधानमन्त्री हसिनासहित झण्डै सय जनाको राहदानी रद्द

Best Khabar Team | २०८१ पुष २४ गते बुधबार

०८ जनवरी, २०२५
ढाका, बंगलादेश । राजनीतिक अस्थिरताका कारण उत्पन्न परिस्थितिका कारण भारतमा आश्रय लिईरहेकी बंगलदेशकी पूर्व प्रधानमन्त्री शेख हसिनासहित करिब १ सय जनाको राहदानी रद्द भएको छ । बंगलादेशको अन्तरिम सरकारले पूर्वप्रधानमन्त्री हसिनासहित अरु ९८ जनाको राहदानी (पासपोर्ट) रद्द गरिएको जनाएको छ ।

गत जुलाईमा बंगलादेशमा भएको हिंसात्मक प्रदर्शनका क्रममा पक्राउ परेकाहरुलाई अमानवीय तबरले हत्या गरेको तथा व्यक्ति वेपत्ता बनाउन तत्कालीन सरकारले सहयोग गरेको भन्दै यस्तो कदम लिइएको बताइएको छ । राहदानी रद्द भएकामा ३ दर्जन बढी व्यापारी, सोही संख्यामा राजनीतिक नेता तथा अवामी लिगसँग सम्बन्ध अन्य नेता तथा पदाधिकारीहरु रहेका छन् ।

उनीहरुले तत्कालीन सरकारको निर्देशनमा जुलाईमा बंगलादेशमा भएको प्रदर्शनमा व्यापक दमन तथा हिंसात्मक गतिविधि गरेको अन्तरिम सरकारको ठहर छ । हिजोमात्रै पूर्व प्रधानमन्त्री हसिनासहित अरु २ दर्जन नेता व्यापारी विरुद्ध अन्र्तराष्ट्रिय फौजदारी न्यायधिकरण (आइसिटी) उजुरी परेको थियो ।

गत जुलाईमा बंगलादेशमा सरकार विरोधी प्रदर्शनका क्रममा भएको हिंसात्मक घटनामा सयौंले ज्यान गुमाएका थिए भने कयन् घाइते भएका थिए । सरकार विरोधी प्रदर्शन हिंसात्मक बनेपछि पूर्वप्रधानमन्त्री हसिनालगायत केही नेता तथा कार्यकर्ताले बंगलादेश छाडेर भारतमा आश्रय लिइरहेका छन् ।

Comment from facebook