चीनमा रहेका कुनै नेपालीमा कोरोना संक्रमण छैन : चिनियाँ दूतावास

Best Khabar Team | २०७६ चैत्र २० गते बिहिबार

०४ फेब्रुअरी, २०२० ।
काठमाडौं । नेपालस्थित चिनियाँ दुतावासले चीनमा रहेका कुनै नेपालीलाई पनि नोबेल कोरोना भाइरसको संक्रमण नरहेको स्पष्ट पारेको छ । काठमाडौंस्थित चिनियाँ दूतावासकी प्रमुख होउ यान्छीले हालसम्म आफूहरुलाई जानकारी प्राप्त भएसम्म चीनमा रहेका कोही पनि नेपालीमा नोबल कोरोना भाइरसको संक्रमण देखिएको छैन ।

***फाइल तस्वीर : नेपालस्थित चिनियाँ राजदूत होउ यान्छी***

उनीहरु सुरक्षित रहेको पनि उनले स्पष्ट पारेकी छन् । दुतावासबाट जारी गरिएको एक सञ्चार सामग्रीमा राजदूत होउले कोरोना भाइरसप्रति नेपालले देखाएको सजगता र जनतालाई सचेत गराउन खेलेको भूमिका प्रशंसनीय रहेको बताइन् । उनले चीनमा रहेको नेपालीहरुसँग दूतावासवासमार्फत् चिनियाँ टोलीले नियमित रुपमा सम्पर्क गरिरहेको भन्दै उनीहरु स्वस्थ्य र सुरक्षित रहेको बताएकी छन् ।

हुवे प्रान्तमा रहेका नेपालीहरुका लागि आवश्यक सामग्री तथा अन्य औषधीजन्य पदार्थहरुचीन सरकारले उपलब्ध गराईरहेको भन्दै उनले कोरोनाको विश्वव्यापी प्रकोपका बेला नेपालीले देखाएको संयम र धैर्यताप्रति आफू नतमस्तक बनेको प्रतिक्रिया दिएकी छन् । उनले नेपाली सञ्चारमाध्यमले पनि कोरोना भाइरसका बारेमा सकारात्मक सन्देश प्रवाह गरेको भन्दै मुक्तकण्ठले प्रशंशा गरेकी छन् ।