संक्रमित थपिँदै जाँदा ब्राजिल बन्यो विश्वकै दोश्रो धेरै कोरोना संक्रमित देश

Best Khabar Team | २०२६ पुष १७ गते बिहिबार

२६ मे, २०२०
साउ पाउलो । कोरोना भाइरस (कोभिड १९) को संक्रमितको संख्या ह्वात्तै बढेपछि दक्षिण अमेरिकी मुलुक ब्राजिल विश्वकै सबैभन्दा धेरै कोरोना संक्रमित मुलुक बन्न पुगेको छ । यसअघि अमेरिका, रसिया पछि बाज्रिल विश्वकै तेश्रो बढी संक्रमित मुलुक बनेको भएपनि अहिले ब्राजिलले रसियालाई समेत जितेर विश्वमा सबैभन्दा धेरै कोरोना संक्रमितको सूचीको दोश्रो नम्बरमा उक्लिएको छ । केहीसाता अघिसम्म अमेरिका स्पेनपछि रसिया अनि ब्राजिल सूचीको पहिलो, दोश्रो, तेश्रो र चौथो स्थानमा थिए ।

तर अहिले अमेरिकापछि विश्वमा सबैभन्दा धेरै संक्रमितको सूचीमा रसिया भन्दा ब्राजिल अग्रस्थानमा रहेको छ । ब्राजिलमा हालसम्म ३ लाख ७६ हजार ६सय ६९ जनामा कोरोना संक्रमण देखिएको छ भने २३ हजार २ सय २२ जनाको कोरोनाकै कारण ज्यान गै सकेको छ । गएको मार्च १७ तारिखमा कोरोनाबाट पहिलो पटक ब्राजिलमा मानिसको ज्यान गएको थियो । मार्चको १८ तारिखमा थप २ जनाको ज्यान गएको ब्राजिलमा त्यसको २ महिना पुग्दा २३ हजार बढीले ज्यान गुमाईसकेका छन् ।

यद्यपि उपचारपछि घर फर्कनेको संख्या भने ब्राजिलमा उल्लेख रहेको छ । हालसम्म १ लाख ५३ हजार ८ सय ३३ को उपचार सफल भएको यहाँका सञ्चारमाध्यमहरुले जनाएका छन् । गएको फेब्रुअरी २५ तारिखका दिन ब्राजिलमा पहिलो पटक कोरोना संक्रमणको केस भेटिएको थियो । फेब्रुअरी २५ मा पहिलो पटक एकजनामा कोरोना संक्रमण देखिएको भएपनि अहिले ३ महिनाको बीचमा संक्रमितको हिसावले ब्राजिल विश्वकै तेश्रो दोश्रो नम्बरमा उक्लिएको हो । ब्राजिलभन्दा अग्रस्थानमा रहेको अमेरिका विश्वको सबैभन्दा धेरै कोरोना संक्रमित रहेको देशमा परेको छ ।

अमेरिकामा यो समाचार तयार पार्दासम्म १७ लाख ६ हजार २ सय २६ जनामा कोरोना संक्रमण देखिएको छ भने ९९ हजार ८ सय ५ जनाको कोरोनाका कारण ज्यान गै सकेको छ । अमेरिकामा ४ लाख ६४ हजार ६ सय ७० जनाले उपचारपछि घर फर्कने अवसर प्राप्त गरेका छन् । अमेरिकामा अहिलेपनि १७ हजार भन्दा बढी विरामीहरु गम्भीर अवस्थामा उपचार गराईरहेका छन् ।

यस्तै तेश्रो नम्बरमा रहेको रसियामा हालसम्म ३ लाख ६२ हजार ३ सय ४२ जनामा कोरोना संक्रमण देखिएको छ । रसियामा संक्रमितको तुलनामा मृत्युदर भने अत्यन्तै कम रहेको छ । हालसम्म कोरोनाका कारण रसियामा ३ हजार ८ सय ७ जनाले ज्यान गुमाएका छन् । यसमा १ सय ७४ आजमात्रै ज्यान गुमाउनेको तथ्यांक रहेको छ ।

विश्वका २ सय ५ वटा मुलुक र साना राज्यहरुमा हालसम्म कोरोना संक्रमण देखिएको कोरोनासम्बन्धी विश्वव्यापी तथ्यांक सार्वजनिक गर्ने ओल्र्डोमिटर डटकमले अद्यावधिक गरेको तथ्यांकमा उल्लेख छ ।