Best Khabar Team | २०७७ आश्विन १६ गते शुक्रबार

---

१०, फेब्रुअरी, २०२०
काठमाडौं । काठमाडौंको त्रिभुवन विमानस्थलमा आज साँझ कफी बेच्ने पसलमा एक्कासी आगो लाग्यो । विद्युत् सर्ट भएर आगो लागको भनिएपनि त्यसको केहीबेरपछि सिँगो विमानस्थलमा धुँवाको मुस्लो फैलियो । अन्र्तराष्ट्रिय विमास्थलमा धुँवाको मुस्लो फैलिएपछि विमानस्थलमा पुगेका यात्रु तथा आफन्तहरु अत्तालिन थाले । यतिमात्र होइन उडान र अवतरणका लागि तयारी अवस्थामा रहेका विमान र ती विमानभित्र रहेका चालक, परिचालक र यात्रुहरु समेत डराए । तर बेलैमा आगो नियन्त्रणमा ल्याउन सकिएकै कारण काठमाडौंको त्रिभुवन विमानस्थलमा आज दिउँसो भएको आगोलागीको घटनाले ठूलो रुप लिन पाएन ।

यसैपनि त्रिभुवन विमानस्थल साँघुरो बन्दै गै रहेको छ । विमानै विमानले विमानस्थलको धावनमार्ग आपसापसका पार्किङ्ग वेहरु भरिँदा र आपसापसमा आगो लाग्दा नजिकै रहेका विमानहरु सबैभन्दा बढी जोखिममा हुन्छन् । हजारौं लिटर तेल लोड गरिएका ती विमानहरुमा केही गरी आगो लागिहालेको अवस्थामा त्यसलाई नियन्त्रणमा लिन त परैको कुरा सँगैरहेको अर्का विमानहरुमा आगो सल्कने खतरापनि उत्तिकै हुन्छ ।

यस्तो नहोस्, तर भोलिका दिनमा आज जस्तै आगो लाग्ने र नियन्त्रणमा लिन केही ढिलाई हुने हो भने त्यसबाट निम्तन सक्ने खतराको अनुमान अहिले नै गर्न कठिन छ । जुन आजको घटनाबाट पनि थाहा हुन्छ । बेलैमा सावधानी अपनाइएको कारण आज विमानस्थलमा ठूलो दुर्घटना टरेको छ । विश्वभर विमानस्थल अन्तन्तै सम्वेदनशील क्षेत्र हो । काठमाडौंको त्रिभुवन विमानस्थलभित्र रहेको टर्मिनल क्षेत्रको सो कफिसपमा लागेको आगो बारुणयन्त्र, सुरक्षाकर्मीलगायतको सहयोगमा करिव ३ घण्टामा नियन्त्रणमा आएको थियो ।

जसका कारण करिब ३ घण्टा विमानस्थलको उडान तथा अवतरण समेत प्रभावित भएको थियो । काठमाडौं जस्तो साँघुरो विमानस्थलको बेलैमा अर्को विकल्प नखोज्ने हो भने र यसैगरी नियमित उडानको संख्या बढाउँदै गर्दा त्यसले भोलिका दिनमा भै परि आउने प्राकृतिक विपत्त तथा भवितव्यलाई सहजै नियन्त्रण गर्न सकिने देखिँदैन ।

---

Comment from facebook