इराकस्थित अमेरिकी दुतावासमा भएको आक्रमणको राष्ट्रपति ट्रम्पद्वारा दुःख व्यक्त

Best Khabar Team | २०२६ पुष १७ गते बिहिबार

३१ डिसेम्बर , २०१९
न्यूयोर्क । अमेरिकी राष्ट्रपति डोनाल्ड ट्रम्पले इराकमा रहेको अमेरिकी दुतावासमा आज भएको आक्रमणको घटनाप्रति दुःख व्यक्त गर्नुभएको छ । इराकको राजधानी बग्गादस्थित अमेरिकी दुतावासमा सोमबार भएको सो घटनाप्रति राष्ट्रपति ट्रम्पले गहिरो दुःख व्यक्त गर्दै इराकी सरकारलाई दुतावासको सुरक्षाका लागि थप सुरक्षाकर्मी परिचालन गर्न आग्रह गर्नुभएको हो । बग्दादमा रहेको अमेरिकी दुतावासको पर्खाल नजिकै पुगेर प्रदर्शनकारीहरुले ढुंगामुढा तथा आगजनीको प्रयास गरेका थिए ।

घटनामा इरानी समूहको संलग्नता रहेको अमेरिकी ठहर छ । त्यस क्रममा इरनाबाट प्रतिशिक्षत इराकी सशस्त्र समूहको झण्डा देखिएको अन्र्तराष्ट्रिय सञ्चारमाध्यमहरुले जनाएका छन् । राष्ट्रपति ट्रम्पले ट्वीटरमार्फत इराकी सरकार र सुरक्षाकर्मीलाई दुतावासको सुरक्षाका लागि थप सुरक्षाकर्मी परिचालन गर्न आग्रह गर्नुभएको हो ।

उहाँले घटना गराउन इरान जिम्मेवार रहेको बताउँदै यस्ता गतिविधि आफूहरुलाई अमान्य हुने बताउनुभयो । आगजनी र ढुंगामुढाबाट केही सवारी साधनमा समेत क्षति पुगेपछि सुरक्षाकर्मीले बग्दादमा अश्रुग्याँस र केही राउन्ड हवाई फायर समेत गरेको थियो । अहिले सो क्षेत्रलाई पूर्णरुपमा सुरक्षाकर्मीले नियन्त्रणमा लिएको समाचार छ । केहीसाता अघि अमेरिकाले गरेको हवाई आक्रमणमा करिब २ दर्जन इराकीको मृत्यु भएपछि विरोधमा आज बग्दादस्थित अमेरिकी दुतावासमा आक्रमणको प्रयास भएको हो ।