हिमालय एयरलाइन्सको मलेसिया उडान एक वर्षपछि पुनः सुचारु

Best Khabar Team | २०७६ मंशिर २५ गते बुधबार

११ डिसेम्बर, २०१९

क्वालालाम्पुर । स्थगित भएको झण्डै १३ महिनापछि हिमालयन एयरलाईन्सले खाडी राष्ट्र मलेसियामा पुनः उडान शुरु गरेको छ । यसअघि गत वर्षको नोभेम्बरबाट मलेसियामा नेपाली र रोजगारीको लागि जान बन्द भएपछि एयरलाईन्सले मलेसिया उडान समेत बन्द गरेको थियो ।

तर नेपाल भ्रमण वर्ष २०२०लाई मध्यनजर गर्दै पुनः उडान सुचारु गरेको हो । एयरलाईन्सका अनुसार नेपाल भ्रमण गर्न आउने मलेसियाली पर्यटकलाई मध्यनजर गर्दै मलेसिया उडान सुचारु गरिएको हो । यसअघि २०१७ को फेब्रुअरीमा हिमालय एयरलाईन्सले मलेसिया उडान सुरु गरेको थियो ।

एयरलाईन्सले साताको दुई दिन मलेसिया उडान गर्ने जनाएको छ । एयरलाईन्सले हाल अबुधाबी, दमाम, दोहा, ढाका, बेइजिङ्गलगायतका स्थानमा उडान भर्दै आइरहेको छ ।