दुर्घटनामा परेका पूर्वउपप्रधानमन्त्री मैनालीको अवस्था सुधारोन्मुख

Best Khabar Team | २०७६ फाल्गुन १५ गते बिहिबार

२७ फेब्रुअरी, २०२०
काठमाडौं । सडक दुर्घटनामा परेका पूर्व उपप्रधानमन्त्री सिपी मैनालीलाई थप उपचारको लागि काठमाडौंको ग्राण्डी अस्पतालमा ल्याएर भर्ना गरिएको छ । महोत्तरीको बर्दिबासमा ट्रिपरको ठक्करबाट गम्भीर घाइते भएका मैनालीको त्यहाँ उपचार सम्भव नभएपछि उनलाई थप उपचारको लागि हेलिकोप्टरमा राखेर काठमाडौं ल्याइएको हो ।

हाल उनको काठमाडौंको ग्राण्डी अस्पतालमा उपचार भै रहेको र उनको अवस्था गम्भीर रहेको बताइएको छ । मैनालीसँगै उनका छोरा, बुहारी, नाती र गाडीका चालकलाई पनि हेलिकोप्टरमै राखेर उपचारका लागि काठमाण्डौ ल्याईएको अस्पताल स्रोतले जानकारी दिएको छ । बा ७ च २१२० नम्बरको मैनाली परिवार चढेको कारलाई विपरीत दिशाबाट आउँदै गरेको ना ४ च ७६६८ नम्बरको पिकअप भ्यानले ठक्कर दिँदा मैनाली परिवारका ४ जना र गाडी चालक घाइते भएका थिए ।

दुर्घटना गराउने भ्यान र चालकलाई प्रहरीले नियन्त्रणमा लिएको छ । मैनालीको अवस्था अहिले ग्राण्डी अस्पतालमा ल्याएपछि सुधारोन्मुख रहेको बताइएको छ । उनका परिवारका सदस्य र चालकको अवस्था भने सामान्य रहेको छ ।

Comment from facebook