कोरोना संक्रमणबाट भयभित बन्दै विश्व : कहाँ के भयो ? (विश्वभरको पछिल्लो अपडेटसहित)

Best Khabar Team | २०२६ पुष १७ गते बिहिबार


१ मार्च, २०२०
काठमाडौं । चीनको हुवेई प्रान्तबाट करिब साढे २ महिना अघि फैलिएको कोरोना भाइरसको संक्रमण हालसम्म विश्वका झण्डै ४ दर्जन बढी मुलुकहरुमा फैलिइसकेको छ । जसका कारण चीनसहित विश्वका विभिन्न मुलुकका झण्डै ३ हजार जनाले ज्यान गुमाईसकेका छन् । यसको संक्रमणबाट विश्वका ८५ हजार मानिस प्रभावित बनेका छन् ।

विश्व स्वास्थ्य संगठनको पछिल्लो तथ्यांक अनुसार अहिलेसम्म पृथ्वीको सबैभन्दा पश्चिममा अवस्थित क्यानडादेखि दक्षिण पूर्वमा पूर्वमा अवस्थित न्यूजिल्याण्सम्म कोरोना संक्रमितहरु भेटिन थालेका छन् । न्यूजिल्याण्डमा हिजोमात्रै कोरोनाका संक्रमित भेटिएको पुष्टि भएको थियो । यस्तै मध्यपूर्वमा अवस्थित कतारमा पहिलोपटक कोरोना भाईरस संक्रमित भेटिएका छन् । शनिबार कतारमा कोरोना संक्रमित भेटिएका हुन् ।

यस्तै कोरोनाबाट चीनपछि सबैभन्दा बढी प्रभावित कोरियाका नागरिकहरुलाई त्यहाँको सरकारले घरभित्रै बस्नका लागि आग्रह गरेको छ । कोरियामा आज साँझ त्यहाँको सरकारले जारी गरेको विज्ञप्ति अनुसार ८ सय १३ जनामा नयाँ संक्रमण भेटिएको छ । कोरियामा हालसम्म कोरोना संक्रमितको संख्या ३ हजार १ सय ५० पुगेको छ । जसमा पछिल्लो २४ घण्टामा १७ जनाले ज्यान गुमाएको अन्र्तराष्ट्रिय सञ्चारमाध्यमले जानकारी दिएको छ ।

चीनमा शनिबार मात्रै थप ४७ जनाले कोरोनाको संक्रमणबाट ज्यान गुमाएका छन् । चीनमा हालसम्म कोरोनाबाट ज्यान गुमाउनेको संख्या साढे २८ सय पुगेको छ । चीनमा पछिल्लो २४ घण्टामा २ हजार ८ सय ३५ नयाँ कोरोना संक्रमित भेटिएका छन् । चीनमा हालसम्म कोरोना संक्रमितको संख्या ७९ हजार २ सय ५१ पुगेको छ । यस्तै चीन र दक्षिण कोरियापछि कोरोना भाइरसबाट सबैभन्दा बढी प्रभावित मुलुकको रुपमा इटली र इरान परेको छ ।

इटलीमा १ हजार भन्दा बढीमा हालसम्म संक्रमण देखिएको छ । इटलीमा मात्रै कारोनाको कारण कारण २९ जनाको निधन भै सकेको छ । यसैबीच युरोपेली मुलुक फ्रान्समा पनि कोरोना भाइरसका १ सय जना संक्रमित भेटिएका छन् । यो संख्या अझै बढी रहेको त्यहाँका अधिकारीहरुले जनाएका छन् ।

फ्रान्समा हालसम्म कोरोनाको संक्रमणका कारण २ जनाको ज्यान गै सकेको छ भने १२ जना उपचारपछि निको भएर घर फर्केका छन् । ८६ जना अझै अस्पतालमा उपचार गराईरहेको बताइएको छ । ती मध्ये ९ जनाको अवस्था गम्भीर रहेको छ ।

यसैबीच अमेरिकामा पहिलो पटक कोरोनाको संक्रमणका कारण एकजनाको निधन भएको छ । अमेरिकाको वासिंटन डिसी राज्यमा ५० वर्षकी एक महिलाको कोरोना भाइरसको कारण स्थानीय समय अनुसार शनिबार दिउँसो निधन भएको हो । अमेरिकी राष्ट्रपतिले नै यो जानकारी सार्वजनिक रुपमा गराईसकेका छन् ।

यस्तै युरोपेली मुलुक नेदरल्याण्डमा पनि कोरोना संक्रमितको संख्या बढ्दै गएको छ । हालसम्म नेदरल्याण्डमा कोरोनाबाट ६ जना संक्रमित भएका छन् । यस्तै इरानमा थप ५ जनामा कोरोना भाइरसको संक्रमण देखिएपछि उनीहरुलाई क्वारेन्टाइनमा राखेर उपचार गरिँदै छ । इरानमा हालसम्म १३ जनामा यो भाइरसको संक्रमण देखिएको छ । इरानमाले कोरोना भाइरसको संक्रमितको संख्या बढ्दै गएपछि छिमेकी मुलुक अजरबैजानले इरानसँगको सिमाना सिल गरेको छ ।

अजरबैजानमा अहिलेसम्म २ जनामा कोरोनाको संक्रमण देखिएपछि यसको प्रकोप फैलन नदिन सिमा सिल गर्नुपरेको त्यहाँका अधिकारीहरुले जनाएका छन् । यस्तै लेवननमा पनि कोरोना भाइरसका ३ नयाँ संक्रमित भेटिएका छन् । योसँगै लेबनानमा कोरोना संक्रमितको संख्या ७ पुगेको छ ।

यस्तै एसियाली मुलुक पाकिस्तानमा पनि कोरोना संक्रमितको संख्या थपिएको छ । आजमात्रै थप २ जनामा कोरोना संक्रमण देखिएपछि पाकिस्तानमा हालसम्म कोरोना संक्रमितको संख्या ४ पुगेको छ । इटलीको उत्तरी क्षेत्रमा रहेका विद्यालयहरु कम्तीमा २ साताका लागि बन्द गरिएको छ । यस्तै कतारमा पनि पहिलोपटक कोरोना संक्रमित भेटिएका छन् । यस्तै साउदी अरेवियाले आफ्ना देशका नागरिकहरुलाई सुरक्षाको कारण देखाउँदै लेवनान भ्रमण तत्कालका लागि स्थगित गर्न आग्रह गरेको छ । यस्तै लेबनानले पनि आगामी मार्च ८ सम्मका लागि विद्यालयहरु बन्द गरेको छ ।

यता रसियाले पनि आफ्ना देशका नागरिकहरुलाई विदेश यात्रा नगर्न भनेको छ । यस्तै कुवेतले कोरोना प्रभावित देशहरुको भ्रमण तत्कालका लागि स्थगित गर्न नागरिकहरुलाई आग्रह गरेको छ । यस्तै अष्ट्रेलियाले इरानबाट आउने सबै नागरिहरुलाई तत्कालका लागि आफ्नो देश प्रवेश निषेध गरेको छ । उज्बेकिस्तानले दक्षिण कोरियाका उडानहरु रद्द गरेको छ । थाइल्याण्डमा पनि कोरोना भाइरसको संख्या बढ्दै गएको हाल हालसम्म ५० जनामा यसको संक्रमण देखिएको अधिकारीहरुको भनाई उल्लेख गर्दै त्यहाँका सञ्चारमाध्यमले जनाएका छन् ।

कोरोनाका कारण जापानमा पनि विद्यालयहरु बन्द गरिएका छन् । यस्तै, चीन, इटली, दक्षिण कोरिया, इरानलगायतका देशका कतिपय शहरहरु अनिश्चितकालका लागि बन्द गरिएका छन् । यसैबीच टर्कीले कोरोनाग्रस्त देशहरु टर्की, इराक र दक्षिण कोरियाबाट टर्की आउने सबै विमान अनिश्चितकालका लागि बन्द गरेको छ ।

यद्यपि यो भने मार्च १ तारिखको मध्यराति अर्थात् आइतबार बिहानबाट लागू हुनेछ । यसअघि टर्कीले इरान र चीनबाट टर्की आउने सबै उडान बन्द गरिसकेको छ । विश्व स्वास्थय संगठनले हिजो मात्रै कोरोनाले विश्वभर प्रभाव फैलाएको भन्दै यसतर्फ सचेत हुन आग्रह गरेको थियो । संगठनका अनुसार हालसम्म विश्वभर ८५ हजार मानिसमा कोरोनाको संक्रमण देखिएको छ । नेपालले पनि तत्काल कोरोना रोकथामको लागि पूर्व तयारी भन्दै रक्षामन्त्री इश्वर पोखरेलको संयोजकत्वमा समिति गठन गरेको छ ।

(प्रस्तुत तथ्यांक हामीले सन् २०२० मार्च १ तारिक आइतबार नेपाली समय अनुसार बिहान ३ बजेर पाँच मिनेट जाँदा अपडेट गरेका हौं । यसमा समावेश भएका फोटोहरु केही इन्टरनेट र केही बीबीसीबाटसाभार गरका हौं । प्रस्तुत तथ्यांक हामीले विश्वस्वास्थ्य संगठन र विश्वभरका विभिन्न सञ्चारमाध्यमबाट लिएका हौं । सम्पादक )



Comment from facebook



थप खबर पढ्नुहोस्
आज रातिदेखि मौसम विग्रनसक्ने मौसमविद्को चेतावनी आज रातिदेखि मौसम विग्रनसक्ने मौसमविद्को चेतावनी

२०२६ पुष १७ गते बिहिबार

१५ जनवरी, २०२० काठमाडौं । पश्चिमी वायुको प्रभावले आज...

किसानमारा चिनी उद्योगका सञ्चालकलाई तत्काल पक्रन गृहमन्त्रालयको निर्देशन किसानमारा चिनी उद्योगका सञ्चालकलाई तत्काल पक्रन गृहमन्त्रालयको निर्देशन

२०२६ पुष १७ गते बिहिबार

३१ डिसेम्बर, २०१९ काठमाडौं । गृहमन्त्रालयले देशका तराई क्षेत्रमा...

कोरोना संक्रमित बढेपछि उपत्यकामा थप कडाई गर्ने ३ जिल्लाका प्रजिअको निर्णय कोरोना संक्रमित बढेपछि उपत्यकामा थप कडाई गर्ने ३ जिल्लाका प्रजिअको निर्णय

२०७७ असार २४ गते बुधबार

०७ अगस्ट, २०२०काठमाडौं । पछिल्ला दिनहरुमा लकडाउन खुल्ला भएसँगै...

देशभर कोरोना संक्रमितको संख्या ४६  सय*बाट उकालो लाग्यो देशभर कोरोना संक्रमितको संख्या ४६ सय*बाट उकालो लाग्यो

२०७७ कार्तिक २१ गते शुक्रबार

११ जुन, २०२०काठमाडौं । देशका विभिन्न जिल्लामा थप २...

Top