नेपाल भ्रमण वर्ष २०२० : नेपाल एयरलाईन्सले चीन र जापानका थप शहरमा उडान भर्दै

Best Khabar Team | २०२६ पुष १७ गते बिहिबार

१५ डिसेम्बर, २०१९
काठमाडौं । राष्ट्रिय ध्वजाबाहक नेपाल बायुसेवा नियमगले नेपाल भ्रमण वर्ष २०२० को सन्दर्भ पारेर जापान र चिनका थप शहरमा उडान भर्ने भएको छ । निगम कार्यकारी समितिको हालै बसेको बैठकका अनुसार जापानको नारिता र चीनको ग्वाङ्जाओ शहरमा थप उडान गर्ने निर्णय भएको हो ।

नेपाल भ्रमण वर्षमा सरकारले २० लाख विदेशी पर्यटक भित्र्या-उने लक्ष लिएसँगै सम्भावित पर्यटकलाई लक्षित गर्दै चीन र र जापानका दुई शहरमा थप उडान भर्न लागेको हो । निगमका अनुसार जापानको नारिता मार्च पहिलो साता र चीनको ग्वाङ्जाओ मार्च दोस्रो सातादेखि उडान शुरु गरिने निगम सञ्चालक समितिको भनाई छ ।

निगमले धेरै अनुसन्धानपछि यी दुई शहरमा थप उडान भर्न लागेको हो । यसअघि निगमले ३ महिना अघिदेखि जापानकै ओसाका कन्साई अन्तरराष्ट्रिय विमानस्थलमा सातामा दुई नियमित उडान भर्दै आएको छ । यता लामो समयको प्रयासपछि निगमको ग्वाङ्जाओ उडान गत मङ्सिर दोस्रो साता निश्चित भएकोे थियो ।

सन् २०२० मार्चको दोस्रो सातादेखि ग्वाङ्जाओ सीधा उडान गर्ने तयारी गरिएको निगमले उल्लेख गरेको छ । उक्त प्रयोजनका निम्ति सबै प्राविधिक तयारी पूरा भइसकेको छ । यो गन्तव्यमा पनि निगमले सातामा तीन दिन उडान भर्नेछ । थप गन्तव्यमा उडान भर्नका लागि आवश्यक सबै तयारी पुरा भै सकको निगम स्रोतको भनाई छ ।

Comment from facebook