कास्कीमा सर्तसहित निषेधाज्ञा खुकुलो पारियो, सवारी साधनमा जोर विजोर लागू

Best Khabar Team | २०२६ पुष १७ गते बिहिबार


२८ अगस्ट, २०२०
लेकसाईट, पोखरा कास्की । चार नम्बर प्रदेश अन्र्तगत कास्कीको पोखरामा गएको भदौ ३ गतेदेखि लागू भएको निषेधाज्ञा सर्तसहित खुकुलो पारिएको छ । जिल्ला प्रशासन कार्यालयले निश्चित सर्त राखेर आज राति १२ बजेदेखि लागूहुने गरी निषेधाज्ञा खुकुलो पारिएको जानकारी दिएको छ । आज रातिबाट निषेधाज्ञा हटाउने चर्चा भएपनि कोरोना संक्रमितको संख्या प्रत्येक दिन देखिइरहेका कारण भोलिबाट लागूहुने गरी निषेधाज्ञा खुकुलो पारिएको जनाइएको छ । सवारीसाधन सञ्चालन, सार्वजनिक सेवा तथा अन्य गतिविधि गर्न स्थानीय प्रशासनले निश्चित मापदण्ड तोकेको छ ।

जिल्ला प्रशासन कार्यालयले आज जारी गरेको सूचना अनुसार आगामी भदौ २० गतेसम्मका लागि लागू हुने गरी कास्की जिल्लाभित्र सञ्चालन हुने निजी तथा भाडाका सवारी साधनहरुमा जोर विजोर प्रणाली लागू हुनेछ । यसबीचमा सार्वजनिक सवारी साधन सञ्चालनमा भने भदौ २० गतेसम्मको लागि प्रतिबन्ध लगाइएको प्रशासनले जारी गरेको सूचनामा उल्लेख छ । भदौ ७ गते पोखरामा दोश्रोपटक निषेधाज्ञा थप गरिएको थियो ।

तर आज प्रशासनले जारी गरेको सूचना अनुसार बिहान ६ बजेदेखि राति ८ बजेसम्म निजी सवारी साधन तथा भाडाका ट्याक्सीहरुमात्रै जोर विजोर प्रणालीका आधारमा सञ्चालन गर्न पाइने छन् । तर मानिसहरुको भेला, सभा, जुलुस, धर्ना, जात्रा, महोसत्सवजस्ता गतिविधि गर्न पूर्णरुपमा रोक लगाइएको छ । यसका अलावा क्याम्पस, विद्यालय तथा विश्वविद्यालयलगायत सञ्चालन, सिनेमा घर, रंगशाला, पार्टी प्यालेस, पौडी पोखरी, सौन्दर्य केन्द्र, कपाल काट्ने ठाउँलगायत सञ्चालन नगर्न भनिएको छ ।

यस्तै होटल रेस्टुरेन्टले लिएर जाने सेवामात्रै दिनसक्ने गरी अनुमति पाएका छन् भने सार्वजनिक कार्यालयहरु पनि नियम अनुसार सामाजिक दुरी कायम गरीमात्रै सञ्चालन गर्न पाइने छ । प्रशासनले जारी गरेको नियमलाई नमानेर गतिविधि गरेमा कानुन अनुसार कारबाही गरिने पनि विज्ञप्तिमा उल्लेख छ ।



Comment from facebook



थप खबर पढ्नुहोस्
सोलुखुम्बुमा विप्लव समूहले गरे प्रहरी चौकी कब्जाको असफल प्रयास सोलुखुम्बुमा विप्लव समूहले गरे प्रहरी चौकी कब्जाको असफल प्रयास

२०७५ फाल्गुन २२ गते बुधबार

०३ जुन, २०१८ काठमाडौं । सरकारद्वारा प्रतिबन्धित नेत्रविक्रम चन्द...

कुबेतमा जमिन भत्किँदा ४ नेपालीको मृत्यु, ३ घाइते (घटनास्थलको भिडियोसहित) कुबेतमा जमिन भत्किँदा ४ नेपालीको मृत्यु, ३ घाइते (घटनास्थलको भिडियोसहित)

२०२६ पुष १७ गते बिहिबार

१३ फेब्रुअरी, २०२० कुबेत । कुवेतमा निर्माणाधिनस्थलको जमिन भत्किँदा...

सोमबारबाट देशभर सबै शैक्षिक संस्थामा हुने परीक्षा स्थगित गर्ने सरकारको निर्णय (विज्ञप्तिसहित) सोमबारबाट देशभर सबै शैक्षिक संस्थामा हुने परीक्षा स्थगित गर्ने सरकारको निर्णय (विज्ञप्तिसहित)

२०२६ पुष १७ गते बिहिबार

२५ अप्रिल, २०२१काठमाडौं । सरकारले कोरोना भाइरसको जोखिम बढेको...

भारतमा थप ३ साता ‘लकडाउन’ लम्बियो, मृतकको संख्या साढे ३ सय नाघ्यो भारतमा थप ३ साता ‘लकडाउन’ लम्बियो, मृतकको संख्या साढे ३ सय नाघ्यो

२०२६ पुष १७ गते बिहिबार

१४ अप्रिल, २०२० नयाँदिल्ली । विश्वभर महामारीको रुपमा फैलिएको...

Top