नेपालमा कोरोना : २ संक्रमित थपिए, निको हुनेको संख्या १६ पुग्यो

Best Khabar Team | २०२६ पुष १७ गते बिहिबार


२६ अप्रिल, २०२०
काठमाडौं । नेपालमा कोरोना संक्रमितको संख्या ५१ पुगेको छ । पर्साको वीरगञ्जमा आज थप २ जनामा कोरोना संक्रमण पुष्टि भएसँगै कोरोना संक्रमितको संख्या ५१ पुगेको हो । । वीरगञ्ज महानगरपालिका छपकैया बस्ने २ जना पुरुषमा आज कोराना संक्रमाण पुष्टि भएपछि कोरोना संक्रमितको संख्या ५१ पुगेको हो ।

उनीहरु पनि छपकैयाको मस्जिदमा रहेका भारतीय नागरिकहरुको सम्पर्कमा आएको र स्वाब परीक्षणका क्रममा उनीहरुमा कोरोना संक्रमण भएको पुष्टि काठमाडौंस्थित टेकु अस्पतालले गरेको हो । यसअघि उदयपुरमा मस्जिदमा बसेका र उनीहरुको सम्पर्कमा आएका १८ जनामा कोरोना संक्रमण भेटिएको थियो । आज भेटिएका दुई पुरुषमध्ये ५० वर्षका एकजना पुरुष वीरगञ्ज महानगरपालिकाको सरसफाइमा कार्यरत कर्मचारी हुन् । यस्तै अर्का ५० वर्षका पुरुष भने सामान्य खेती किसानी गर्ने नागरिक हुन् । उनीहरुको हाल नारायणी उप क्षेत्रीय अस्पतालको आइसोलेसन वार्डमा उपचार भै रहेको छ । उनीहरुको अवस्था सामान्य रहेको स्वास्थ्य मन्त्रालयले आज गरेको नियमित पत्रकार सम्मेलनमा जानकारी दिएको छ ।

यसैबीच कोरोना संक्रमणमा परी सोही अस्पतालमा उपचाररत ४ जनालाई आज अस्पतालले डिस्चार्ज गरेको छ । केहीदिनअघि उदयपुरको नुर मस्दिजमा भेटिएका उनीहरुमा परीक्षणका क्रममा कोरोना संक्रमण पुष्टि भएको थियो । अस्पतालमा उपचारका क्रममा तीन पटकसम्म उनीहरुमा कोरोना जाँच गरिएको र उनीहरुको पछिल्ला सबै रिपोर्ट नेगेटिभ आएपछि आजै उनीहरुलाई अस्पतालले डिस्चार्ज गरेको हो ।

ती मध्ये ३ जना भारतीय जमाती रहेका छन् । अर्का एक भने नेपाली रहेको बताइएको छ । यो सँगै नेपालमा कोरोना निको भएर अस्पतालबाट डिचार्ज हुनेको संख्या १६ पुगेको छ ।



Comment from facebook



थप खबर पढ्नुहोस्
अमेरिकामा कोरोनाबाट एकैदिन १ सय ७ को मृत्यु, संक्रमितको संख्या ७८ हजार नाघ्यो अमेरिकामा कोरोनाबाट एकैदिन १ सय ७ को मृत्यु, संक्रमितको संख्या ७८ हजार नाघ्यो

२०२६ पुष १७ गते बिहिबार

२६ मार्च, २०२० न्यूर्योक । विश्वव्यापी रुपमा महामारीको रुपमा...

आजबाट सवारी साधनमा फेरि जोरविजोर नियम लागू, राति हिड्न प्रतिबन्ध आजबाट सवारी साधनमा फेरि जोरविजोर नियम लागू, राति हिड्न प्रतिबन्ध

२०७७ बैशाख २६ गते शुक्रबार

०६ अगस्ट, २०२०काठमाडौं । सरकारले लकडाउन खुलेको घोषणा गरेलगत्तै...

यसवर्षको मिस टुरिजमको आवेदन खुल्ला यसवर्षको मिस टुरिजमको आवेदन खुल्ला

२०२६ पुष १७ गते बिहिबार

२१ जुन, २०१९ काठमाडौं । यसवर्षको मिस टुरिजम–२०१९ को...

नेपालमै पहिलो पटक धार्मिक महत्व बोकेको ‘सुनौलो रंगको कछुवा’ भेटियो नेपालमै पहिलो पटक धार्मिक महत्व बोकेको ‘सुनौलो रंगको कछुवा’ भेटियो

२०२६ पुष १७ गते बिहिबार

२१ अगस्ट, २०२०जनकपुर, धनुषा । नेपालमा पहिलो पटक स्वर्ण...

Top