कोरोनाबाट ज्यान गुमाउनेको संख्या विश्वभर ४ लाख नाघ्यो, अमेरिका सबैभन्दा बढी प्रभावित

Best Khabar Team | २०७७ जेठ २४ गते शनिबार

०६ जुन, २०२०
न्यूर्योक, अमेरिका । विश्वभर कोरोना (कोभिड–१९) को संक्रमणबाट ज्यान गुमाउनेको संख्या ४ लाख नाघेको छ । कोरोनासम्बन्धी सम्पूर्ण जानकारी अध्यावधिक गर्ने ओल्डोमिटर डटकमले उल्लेख गरे अनुसार हालसम्म कोरोनाबाट विश्वभर ४ लाख ५७ जनाको ज्यान गएको छ । यस्तै विश्वभर हालसम्म ६९ लाख १७ हजार ५ सय ९० जना जना संक्रमित बनेका छन् । उपचारपछि घर फर्कनेको संख्या पनि विश्वभर रहेको छ ।

विश्वमा हालसम्म कोरोनाको कारण सबैभन्दा बढी प्रभावित मुलुक अमेरिका बनेको छ । यो समाचार तयार पार्दासम्म अमेरिकामा कोरोनाका कारण १ लाख ११ हजार ६ सय ८५ जनाको ज्यान गएको छ । यस्तै अमेरिकामा १९ लाख ५६ हजार ३ सय ७७ जनामा कोरोना संक्रमण फैलिएको छ ।

उपचारपछि घर फर्कनेको संख्या ७ लाख ३९ हजार ७ सय २४ पुगेको छ । अमेरिकाको न्यूयोर्क, वासिङ्गटन डिसी, न्यूजर्सी, मिचिगनलगायतका राज्यहरु कोरोनाबाट सबैभन्दा धेरै प्रभावित बनेका छन् । अमेरिकापछि क्रमश ब्राजिल, रसिया, स्पेन, बेलायत र भारत सबैभन्दा धेरै प्रभावित बनेका छन् । स्पेन बाहेकका मथि उल्लेखित देशहरुमा अहिले दैनिक रुपमा कोरोना संक्रमितको संख्या थपिँदो छ ।

स्पेनमा भने विगतको तुलनामा कोरोना संक्रमितको संख्या घट्दै गएको छ । गएको डिसेम्बरमा चीनको बुहान प्रान्तबाट शुरुभएको कोराना अहिले विश्वका २ सय ५ भन्दा बढी मुलुकमा फैलिइसकेको छ । कोरोनाका कारण अमेरिकालगायत विश्वका अधिकांश देशको जनजीवन ठप्प प्राय बनेको छ भने आर्थिक गतिविधि पनि सून्य जस्तै बनेको छ ।

कतिपय युरोपेली देशले जनजीवन सामान्य बनाउने कोशिष गरेको भएपनि संक्रमितको संख्या भने दैनिक देखिँदैछ । शुरुमा विश्वकै महामारीपूर्ण देश बनेको चीन अहिले विश्वका १८ औं बढी प्रभावित देशको रुपमा रहेको छ ।