ट्वीटरमा प्रधानमन्त्रीले पोखे दुःखेसो

Best Khabar Team | २०७६ असार ३ गते मंगलबार

१७ जुन, २०१८
काठमाडौं । पूर्व निर्धारित कार्यक्रम अनुसार संसदको बैठकमा संबोधन गर्न नपाएपछि प्रधानमन्त्री केपी शर्मा ओली दुःखेसो पोख्नुभएको छ । प्रधानमन्त्री ओलीले सामाजिक सञ्जल ट्वीटरमा दुःखसेको पोख्दै अहिलेको अवस्थामा विवादित बनेको गुठी विधेयक तथा आफूले हालै गरेको युरोप भ्रमणको विषयमा आजको बैठकमा जानकारी गराउने कार्यक्रम रहेकोमा त्यसो हुन नसकेमो दुःख लागेको उल्लेख गर्नुभएको छ ।

आजको संसद बैठकमा प्रमुख प्रतिपक्षी दल नेपाली काँग्रेसका सभापति शेरबहादुर देउवाको बोल्ने पालो आएपनि प्रधानमन्त्री ओलीले विशेष समय लिएर आजको बैठकलाई सम्बोधन गर्ने कार्यक्रम रहेको थियो । तर देउवाले बोल्ने पालो नपाएपछि आक्रोशित काँग्रेसका सांसदहरुले संसदको बैठकमा नाराबाजी गर्दै रोष्टम घेराउ गरेपछि संसदको बैठक आजको लागि स्थगित भएको थियो ।

ट्वीटरमा प्रधानमन्त्रीले उल्लेख गर्नुभएको छ– ‘प्रतिपक्षी नेकाले रोष्ट्रम घेरी अबरोध गरेका कारण मैले हालैको युरोप भ्रमण र गुठी विधेयकलगायतका समसामयिक विषयहरुमा रहेको जनचासोका सन्दर्भमा सम्मानीत सदनलाई आज जानकारी गराउन पाइन,’ ‘यस घटनाबाट म दुःखी भएको छु।’आज बिहानको प्रतिनिधि सभाको बैठकमा प्रधानमन्त्रीले बोल्न लाग्दा काँग्रेसका सांसदहरुले संसद अवरुद्ध गरेको थियो ।