अमेरिकामा यहुदी धर्मगुरुको घरमा छुराकाण्ड : ५ घाइते

Best Khabar Team | २०२६ पुष १७ गते बिहिबार

२९ डिसेम्बर, २०१९
न्यूयोर्क । अमेरिकाको न्यूयोर्कमा रहेका यहुदी धर्मका एक धर्मगुरु रहँदै आएको घरमा घरमा गएराति भएको छुराकाण्डमा ६ जना घाइते भएका छन् । न्यूयोर्कको मोन्सेमा रहेका यहुदी धर्मगुरु रब्बीको घरमा यहुदीहरुको एक पर्व मनाउने क्रम चलिरहेका बेला एक्कासी छुरा आक्रमण भएको हो । सो आक्रमणमा परी घाइते भएका मध्ये केहीको शरीरमा गम्भीर चोट लागेको छ । घाइतेहरुलाई न्यूयोर्क सिटीको अस्पतालमा उपचारार्थ भर्ना गरिएको छ ।

पछिल्ला केहीदिनयता सो क्षेत्रमा आक्रमणकारीहरुले सानातिना वितण्डाहरु मच्चाईरहेका छन् । तर, यो पछिल्लो केही समयता सो क्षेत्रमा भएको सबैभन्दा ठूलो आतंककारी आक्रमण हो । सो सँगै प्रहरीले सो क्षेत्रमा सुरक्षा गस्ती समेत बढाएको जनाएको छ । आक्रमणकारीहरु गएराति १० बजे धर्मगुरुको घरमा प्रवेश गरेलगत्तै आक्रमण भएको थियो ।

आक्रमण भएको सो घर यहुदीहरुले वर्षौदेखि आफ्नो धार्मिक कार्यक्रमहरु गर्ने गरेको स्थानको रुपमा परिचित छ । आक्रमण हुँदा यहुदीहरुको एक धार्मिक कार्यक्रम चलिरहेको थियो । घटनालगत्तै प्रहरीले सो क्षेत्रलाई नियन्त्रणमा लिएर आक्रमणकारीहरुको खोजी कार्य तीव्र बनाएको छ । घटनाको न्यूर्योक सिटी प्रमुख तथा स्थानीय विभिन्न धर्म र सम्प्रदाय सम्बन्ध व्यक्ति र संस्थाहरुले विरोध जनाएका छन् ।