भारत–पाक सिमावर्ती जंगलमा भएको गोलाबारीमा गोर्खा सैनिकको मृत्यु

Best Khabar Team | २०७६ पुष १७ गते बिहिबार

०२ जनवरी, २०२०
कास्मिर । भारत र पाकिस्तानको सिमावर्ती क्षेत्र कास्मिरमा सिमा सुरक्षामा खटिएका भारतीय सैनिक र पाकिस्तानी सुरक्षाफौजबीच भएको गोलाबारीमा एक नेपालीको ज्यान गएको छ । सो घटनामा ज्यान गुमाउनेमा भारतीय सेनामा कार्यरत नेपालको गोर्खा जिल्ला स्थायी घर भएका एक नेपाली भएको भारतीय सञ्चारमाध्यमहरुले जनाएका छन् ।

मृतक नेपाली गोर्खाको दुर्गम रिप गाउँपालिकाका वडा नम्बर २ का २४ वर्षका अर्जुन थापामगर रहेको बताइएको छ । सो घटनामा अर्का एक भारतीय सैनिकको पनि ज्यान गएको छ । सिमास्थलमा हुने गरेका शकास्पद गतितिविको खोजविनका लागि थापामगरसहित अन्य सैन्य टोली सो स्थानमा पुगेका बेला पाकिस्तानी सुरक्षाफौजसँग कास्मिरको ‘थरेत’ नामकोजंगलमा जम्काभेट भएपछि गोलाबारी भएको बताइएको छ ।

पछिल्लो समयमा भारत पाक सिमावर्ती कास्मिर क्षेत्रमा आतंकवादी गतिविधि बढ्न थालेपछि भारतीय सेनाले गस्ती बढाएको थियो । दशकौं अघिदेखि भारत पाक सिमा विवादका कारण कास्मिरमा ठूलो संख्यामा भारतीय सेना खटिँदै आएका छन् । सो क्षेत्रमा पाकिस्तानले पनि सुरक्षा व्यवस्था मजबुत बनाएको छ । भारतीय सेनामा हजारौंको संख्यामा नेपालीहरु कार्यरत छन् ।

Comment from facebook