कोरोना संक्रमित भागे गोली चलाउन प्रजिअ नेतृत्वको समितिको आदेश

Best Khabar Team | २०७७ जेठ २ गते शुक्रबार

१५ मे, २०२०
वीरगञ्ज, पर्सा । पर्सामा कोरोना संक्रमितहरुले स्वास्थ्यकर्मीले तोकेको स्थानमा बस्न नमानी आइसोलेसन तोडेर भाग्ने प्रयास गरेर उसलाई नियन्त्रणमा गोलीसम्म चलाउनसक्ने गरी आदेश जारी भएको छ । केहीदिनअघि संक्रमित व्यक्ति आइसोलेसनबाटै भागेपछि जिल्ला संकट व्यवस्थापन समितिको बैठकले कोरोना संक्रमितलाई नियन्त्रणमा लिनका लागि गोलीसमेत चलाउनसक्ने गरी आदेश जारी भएको बताइएको छ ।

पर्साका प्रमुख जिल्ला अधिकारी संयोजक रहेको समितिको आजको बैठकले एकजना संक्रमितले हेलचेक्र्याई गर्दा हजारौंमा संक्रमण फैलनसक्ने भन्दै यसमा विशेष सावधानी अपनाउन सबैलाई अनुरोध गरेको छ । केहीगरी सुरक्षाकर्मी वा स्वस्थ्यकर्मीलाई नटेरेर आइसोलेनमा रहेका संक्रमितले भाग्ने कोशिष गरेर उनीहरुलाई बल प्रयोग गर्ने र त्यो पनि सम्भव नभए गोली हानेर भएपनि नियन्त्रणमा लिनसक्ने गरी प्रहरीलाई अधिकार प्रदान गरिएको समितिको भनाई छ ।

समितिको आजको बैठकले ३ नम्बर बुँदामा गरेको निर्णयमा ‘अब उप्रान्त भर्ना भएका संक्रमित भाग्न नदिन सुरक्षा निकायले उच्च सतर्कता अपनाउने र भाग्न खोज्ने व्यक्तिलाई नियन्त्रणमा लिन आवश्यकता अनुसार बल प्रयोग गर्ने र यसका लागि सुरक्षा निकायलाई गोली समेत चलाउन सक्ने अधिकारी प्रदान गर्ने ।’ उल्लेख छ ।

पर्सामा आगमी जेठ ५ गतेसम्मका लागि कफ्र्यु आदेश जारी गरिएको भएपनि २ दिनअघि नारायणी अञ्चल अस्पतालको आइसोलेसनबाट २ जना फरार भएका थिए । पर्सामा संक्रमितको संख्या बढ्दै गएपछि स्थानीय प्रशासनले बैशाख ३१ गतेदेखि ६ दिनका लागि जिल्लाभर कफ्र्यु आदेश जारी गरेको छ ।

Comment from facebook