बेलायतकी रानी एलेजावेथका श्रीमानको ९९ वर्षमा निधन

Best Khabar Team | २०७७ चैत्र २७ गते शुक्रबार

०९ अप्रिल २०२१
वेस्टह्याम, लण्डन । बेलायतकी महारानी एलेजावेथ द्वितीयका श्रीमान् युवराज फिलिपको मृत्यु भएको छ । ९९ वर्षका फिलिपको आज बिहान निधन भएको बकिङ्हम प्यालेसलाई उद्दृत गर्दै विविसीले उल्लेख गरेको छ ।

विभिन्न रोगबाट पीडित भएपछि ५ वर्षअघि ९९ वर्षीय फिलिपले दरबारबाट आफ्नो जिम्मेबारी छाडेका थिए । उनको आज बिहान आफ्नै निवासमा निधन भएको राजदरबारले जारी गरेको विज्ञप्तिमा उल्लेख छ । स्वर्गीय फिलिप र एलिजावेथका ४ छोराछोरी थिए भने उनीहरुबाट ८ नाति–नातिनी र १० पनाति–पनातिनीहरु जन्मिएका छन् ।

एडिनबर्गका ड्युक प्रिन्स फिलिपको निधन भएको घोषणा गर्दा आफूलाईअत्यन्तै दुःख लागेको महारानीको भनाई उल्लेख गर्दै बकिङ्गहम प्यालेसले जारी गरेको विज्ञप्तिमा उल्लेख गरिएको छ । फिलिप र एलिजवेथको विवाह सन् १९४७ मा विवाह भएको थियो भने त्यसको ५ वर्षपछि एलिजावेथ बेलायतकी महारानी बनेकी थिइन्।

Comment from facebook