काठमाडौंका सडकबाट मगन्ते हटाउन सप्ताहव्यापी अभियान

Best Khabar Team | २०२६ पुष १७ गते बिहिबार

२९ डिसेम्बर, २०१९
काठमाडौं । काठमाडौं महानगरपालिकाले आजदेखि उपत्यका भित्र सडकमा मागेर बस्न नपाउने गरी अभियान सञ्चालन गरेको छ । त्यसका लागि उपत्यकाका विभिन्न स्थानमा पुगेर टोलीले मागेर बस्नेहरुलाई त्यहाँबाट हट्न आग्रह गरेको छ ।

गुजारा चलाउने नाममा सडकमा मागेर बस्दा सार्वजनिक सवारीसाधन देखि मानिसहरुसमेतको आवागमनमा कठिनाई परेको भन्दै महानगरपालिकाले मगन्ते हटाउने अभियान शुरु गरेको हो । काठमाडौं महानगरपालिकाले नेपाल प्रहरी, मानव सेवा आश्रमसहित सरोकारवालाको साथ लिएर शुरु गरिएको अभियान १ सातासम्म सञ्चालन हुने जनाएको छ ।

अभियानका क्रममा काठमाडौंको न्यूरोड, बसन्तपुर, महांकाल, भद्रकाली मन्दिर, जमल, वीर अस्पताल आसपासका क्षेत्रमा पुगेर बाटोमा मागेर बस्नेहरुलाई त्यहाँबाट हट्नका लागि आग्रह गरेको थियो ।