काठमाडौंमा मात्रै ३५७ सहित देशभर थप १ हजार २२८ मा कोरोना संक्रमण

Best Khabar Team | २०७६ फाल्गुन २६ गते सोमबार

०३ सेप्टेम्बर, २०२०
काठमाडौं । काठमाडौं उपत्यकामा पछिल्लो २४ घण्टामा ४ सय ४५ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयले दिएको जानकारी अनुसार विगत २४ घण्टायता काठमाडौंमा ३ सय ५७ जनामा कोरोना संक्रमण देखिएको छ । यस्तै भक्तपुरमा ४२ र ललितपुरमा ४६ जनामा कोरोना संक्रमण पुष्टि भएको छ ।

काठमाडौं उपत्यकामा निषेधाज्ञा जारी भएकै बेला यति धेरै कोरोना संक्रमित देखिँदा चिकित्सकले आश्चर्य व्यक्त गरेका छन् । मन्त्रालयले दिएको जानकारी अनुसार काठमाडौंसहित देशभर पछिल्लो २४ घण्टामा १ हजार २ सय २८ जनामा कोरोना संक्रमण पुष्टि भएको छ । आज थपिएका कोरोना संक्रमित मध्ये ३ सय ९४ महिला र ८ सय ३४जना पुरुष रहेको मन्त्रालयले जनाएको छ ।
योसँगै अब देशभर कोरोना संक्रमितको संख्या ४२ हजार ८ ७७ पुगेको छ ।

ती मध्ये २ सय ५७ जनाको कोरोनाकै कारण ज्यान गएको छ । यस्तै हालसम्म २४ हजार ३ सय ७ जना कोरोना मुक्त भएर घर फर्केका छन् ।

Comment from facebook