Best Khabar Team | २०७९ पुष १९ गते मंगलबार
०१ मार्च, २०२३
लिंकलोभर, बेल्जियम । युरोपेली मुलुक ग्रीसमा गएराति मध्यरातमा यात्रुबाहक रेल दुर्घटनामा हुँदा कम्तीमा ३६ जनाको ज्यान गएको छ । सो दुर्घटनामा परी सयौं घाइते भएको स्थानीय सञ्चारमाध्यमहरुलाई उल्लेख गर्दै बिबिसीले जनाएको छ । ग्रीसको उत्तरी भूभागमा रहेको टेम्पे भन्ने स्थानमा यात्रुबाहक रेल र मालबाहक रेल आपसमा ठोक्किएको थियो । रेल ठोक्किएसँगै शुरुका चारवटा डिब्बामा आगो लाग्न शुरुभएको थियो ।
मध्यरातमा भएको सो दुर्घटनामा घाइते भएकाहरुलाई उद्दारकर्ताहरुले उद्दार गरी स्थानीय अस्पतालमा उपचारका लागि भर्ना गरेका छन् । राजधानी एथेन्सबाट करिब ३८० किलोमिटर उत्तरमा रहेको टेम्पे नजिकै थेसालोनिकीबाट लारिसा जाँदै गरेको सो यात्रुवाहक रेलमा कम्तीमा ४ सयजना यात्रु रहेको बताइएको छ । मध्यरातमा एकै दिशाबाट आउँदै गरेको अर्को एउटा मालबाहक रेल र यात्रुबाहक आपसमा ठोक्किएको थियो ।
सुरुङ्गबाट रेल बाहिर निस्कने बेलामा एउटै ट्रयाकमा रहेको अर्को मालबाहक रेलसँग ठाक्किँदा रेलका अगाडिका ४ वटा डिब्बाहरु पूर्णरुपमा नष्ट भएको घटनास्थलमा रहेका उद्दारकर्ताहरुले जनाएका छन् । घटनास्थलमा मध्यरातिदेखिनै उद्दारको कार्य जारी रहेको छ ।
रेलका चालकहरुले सो क्षेत्रमा रहेको रेल सडक संकेत बत्तिहरुले राम्रोसँग काम नगरेको भनेर स्थानीय अधिकारीहरुलाई पहिले नै जानकारी गराएका थिए । तर यसलाई प्रशासनले वेवास्ता गरेका कारण ठूलो दुर्घटना भएको रेल चालक संघका कर्मचारीहरुको भनाई उद्दृत गर्दै स्थानीय सञ्चारमाध्यमहरुले जनाएका छन् ।
२०७६ फाल्गुन २६ गते सोमबार
०३ सेप्टेम्बर, २०२०नयाँदिल्ली । विश्वमै २४ घण्टाभित्र सबैभन्दा धेरै...
२०७७ असार २७ गते शनिबार
०७ नोभेम्बर, २०२०न्यूर्योक, अमेरिका । विश्वको सर्वशक्तिमान सम्पन्न मुलुकको...
२०७७ बैशाख २३ गते मंगलबार
०५ मे, २०२०उत्तरप्रदेश । भारतमा पछिल्ला केहीदिनयता कोरोना भाइरसको...
२०२६ पुष १७ गते बिहिबार
१३ सेप्टेम्बर, २०२०दोहा, कतार । कोरोना भाइरसको संक्रमण फैलिएदेखि...
Top