चिया–बिस्कुट खाँदै कृषिकर्ममा व्यस्त छन् नेपथ्यका चर्चित गायक गुरुङ्ग (फोटोफिचर)

Best Khabar Team | २०७७ जेठ २८ गते बुधबार

कोरोना भाइरस (कोभिड १९) को संक्रमणलाई मध्यनजर गरी सरकारले लकडाउन घोषणा गरेको करिब ३ महिना पुग्न लागिसकेको छ । लकडाउनका कारण सबैखाले पेशा, व्यवसाय तथा विभिन्न क्षेत्रमा कार्यरत सबैलाई नराम्ररी प्रभावित तुल्याएको छ । आम नागरिकदेखि ठूलाठूला पदमा बसेर काम गर्नेहरुपनि लकडाउनको चपेटामा परेका छन् । यसको चेपटाबाट कलाकार, पत्रकार एवं गीत तथा संगीत क्षेत्रमा लागेकाहरु अछुतौ छैनन् ।

अधिकांशले सरकारको निर्देशनलाई पालन गरेर घरभित्रै बस्नुपरेको पीडा पोखिरहेका बेला नेपालको चर्चित ब्याण्ड नेपथ्यका चर्चित गायक अमृत गुरुङ् भने आफ्नै घरगाउँमा कृषि कर्ममा व्यस्त देखिन्छन् । जारी लकडाउनका कारण कतिपयले आफ्नै घरको चौघेरोभित्र गुम्सिएर दिनहरु विताइरहेका बेला गायक अमृत गुरुङ्ग भने आफ्नो गृह कास्कीको गाउँमा रहेको गोठमा बसेर कृषि कर्ममा तल्लिन भएका देखिन्छन् । विगत लामो समयदेखि उनले आफू आफ्नै घर खेतमा कृषि कर्ममा लागेको पुष्टि हुने विभिन्न तस्वीरहरु सार्वजनिक गर्दै आइरहेका छन् ।

यही क्रममा बुधबार उनले खेत रोप्ने भूमिका निर्वाह गरेका केही तस्वीरहरु सार्वजनिक गरेका छन् । त्यसो त गायक गुरुङ्ग राष्ट्रिय र अन्र्तराष्ट्रिय रुपमा जति चर्चित छन्, त्यति नै उनको जीवनशैली अत्यन्तै सरल छ । ‘सादा जिवन, उच्च विचार’ का हिमायती गायक गुरुङ्ग अहिले पूर्णरुपमा कास्की र स्याङ्जाको सिमामा रहेको उनको घरगोठ आपसासमा छन् र कृषिकार्य गरेर नै दिनहरु विताइरहेका छन् ।

चिया र विस्कुट खाँदै खेत रोप्ने काममा उनले खेलेको भूमिकाप्रति हजारौंले तारिफ गरेका छन् । उनै गायक गुरुङ्गले सामाजिक सञ्जालमा प्रस्तुत गरेका केही कृषिकर्मका फोटोहरु यहाँ प्रस्तुत गरिएको छ । हामीले यी फोटोहरु उनको ट्वीटरबाट साभार गरेका हौं ।

Comment from facebook