सेतो छालावालाको कालो कर्तुत : बालबालिकामाथि यौन दुराचार गर्ने अमेरिकी नागरिक मुडे पक्राउ

Best Khabar Team | २०७६ भाद्र २६ गते बिहिबार

१९ डिसेम्बर, २०१९
काठमाडौं । भाषा पढ्न बहानामा नेपालमा बसेर नेपाली बालबालिकामाथि यौन दुव्र्यवहार गर्ने एक अमेरिकी नागरिकलाई प्रहरीले पक्रेको छ । पक्राउ पर्नेमा अमेरिकी नागरिक ज्यासोन लोएड मुडी रहेका छन् । उनलाई प्रहरीले काठमाडौंको एयरपोर्ट नजिकै रहेको मेमोरियल गेस्ट हाउसबाट नियन्त्रणमा लिएको हो ।

पक्राउ परेका अमेरिकी नागरिक मुडीले आर्थिक प्रलोभन देखाएर राजधानीको तिलगंगा छेउमा रहेका सुकुम्बासी बस्ती छेउका बालबालिकामाथि यौन दुव्र्यवहार गरेको प्रहरीको भनाई छ । ५६७४७२५३५ नम्बरको अमेरिकी राहदानी बोकेका मुडी अमेरिकाको इलिनोइज राज्यका स्थायी वासिन्दा हुन् । उनीमाथि एक बालिकालाई करणी गरेको, दुई बालिकालाई करणीको प्रयास गरेको प्रहरीको भनाई छ ।

यस्तै तीन जना बालकलाई उनलै हस्तमैथुन गर्न लगाएको बताइएको छ । उनले बालबालिकालाई पैसा तथा अन्य खेलौना दिएर यौन दुव्र्यवहार गर्ने गरेको अनुसन्धानबाट खुलेको छ । नियमित रुपमा बालबालिकालाई लिएर साँझपख होटलामा छिर्न थालेपछि उनको गतिविधि शंकास्पद लागेर स्थानीय प्रहरीमा खबर गरेपछि प्रहरीले होटलमा छापा मारेको थियो ।

उनी काठमाडौंमा रहँदा भारतीय नम्बर प्लेटको मोटरसाइकलमा ओहोर दोहोर गर्ने गरेका थिए । उनलाई गएराति मेमोरियल गेस्ट हाउसको कोठा नम्बर १ सय ४ बाट पक्राउ गर्ने क्रममा तीन जना बालहरुसमेत सँगै थिए । मुडे ३ वर्षदेखि नेपाल बस्दै आएका थिए ।