Best Khabar Team | २०७७ आश्विन १९ गते सोमबार
०५ अक्टोबर, २०२०
मार्तडी, बाजुरा । विगत ४ दिनदेखि वेपत्ता रहेका जिल्लाको हिमाली गाउँपालिकाका एकै परिवारका ५ जनाको अवस्था अहिलेसम्म सार्वजनिक हुन नसकेको प्रहरीले जनाएको छ । जिल्ला प्रहरी कार्यालय मार्तडलीले दिएको जानकारी अनुसार स्थानीय ३० वर्षको शान्ता नेपालीसहित उनका २ छोरा र ३ छोरीको अवस्था ४ दिनसम्म अज्ञात रहेको छ ।

उनीहरु गएको शुक्रबार देखि वेपत्ता भएका छन् । शुक्रबार दिउँसो स्थानीय कवाडी नदीमा नुहाउन गएका उनीहरुको अवस्था त्यसयता सार्वजनिक हुन नसकेको बताइएको छ । शुक्रबारदेखि वेपत्ता हुनेमा ३० वर्षकी शान्ता नेपाली, उनका ५ वर्षकी छोरी आरती नेपाली, ४ वर्षकी सन्तोषी नेपाली, १ वर्षकी किस्मती नेपाली रहेकी छन् । यस्तै २ वर्षका छोरा सम्मान नेपालीपनि सोहीदिनदेखि वेपत्ता रहेका छन् । उनीहरु नुहाउनको लागि नदीमा गएको र त्यसपछि फर्केर घर नआएको उनका आफन्तहरुले बताएका छन् ।
कर्णाली नदिको नजिकै रहेको स्थानीय कवाडी नदीमा नुहाउनको गएपछि उनीहरु नफर्केको र उनीहरुको खोजीको लागि प्रहरी र स्थानीय वासिन्दाले विगत ४ देखि प्रयास जारी राखेको बताइएको छ । ४ दिनदेखि वेपत्ता रहेका उनीहरुलाई नदीले बगाएको आशंका गरिएको छ । प्रहरीले वेपत्ता भएकाहरुको आफन्त तथा नातेदारसँग पनि सम्पर्क गरेर उनीहरुको अवस्थाको बारेमा जानकारी लिएको भएपनि अहिलेसम्म केही पत्ता लाग्न सकेको छैन ।
स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित
२०८२ बैशाख १५ गते सोमबार
२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...
सोलुखुम्बुमा विप्लव समूहले गरे प्रहरी चौकी कब्जाको असफल प्रयास
२०७६ जेठ २० गते सोमबार
०३ जुन, २०१८ काठमाडौं । सरकारद्वारा प्रतिबन्धित नेत्रविक्रम चन्द...
उपत्यकामा कोरोनाबाट थप एक महिलाको मृत्यु, प्रहरी मुख्यालय भित्र संक्रमित प्रहरीको संख्या ७२ पुग्यो
२०७७ श्रावण १६ गते शुक्रबार
३१ जुलाई, २०२०काठमाडौं । काठमाडौं उपत्यकाभित्र कोरोना भाइरसको संक्रमणबाट...
कास्कीमा बैशाख मसान्तसम्म निषेधाज्ञा जारी : दैनिक उपभोग्य सामग्रीको पसल बिहान ९ बजेसम्म मात्रै खोल्न पाइने
२०७८ बैशाख १९ गते आइतबार
०२ मे, २०२१लेकसाईड (पोखरा), कास्की । पछिल्ला दिनमा जिल्लाका...
जेठ ३ देखि देशभर लकडाउन थप कडा बनाईँदै, जिल्लाले दिएको सबै सवारी पास रद्द
२०७७ जेठ १ गते बिहिबार
१४ मे, २०२०काठमाडौं । सरकारले पहुँचको भरमा सवारी साधनको...
Top