Best Khabar Team | २०७८ बैशाख १९ गते आइतबार
०२ मे, २०२१
लेकसाईड (पोखरा), कास्की । पछिल्ला दिनमा जिल्लाका विभिन्न स्थानमा कोरोना भाइरसका संक्रमितको संख्या ह्वात्तै बढ्न थालेपछि जिल्ला प्रशासन कार्यालयले निषेधाज्ञा जारी गरेको छ । जिल्ला प्रशासन कार्यालय कास्कीले विभिन्न सरोकारवाला निकायसँग छलफल गरेपछि बैशाख २१ गते मंगलबार बिहानदेखि लागू हुनेगरी बैशाखभर निषेधाज्ञा जारी गरेको हो । निषेधाज्ञाका बेला अत्यावश्यक सेवामा रहेका सवारी साधनबाहेक अन्य निजी तथा सार्वजनिक गाडी सञ्चालनमा पूर्णरुपमा रोक लगाइएको छ ।

प्रमुख जिल्ला अधिकारी थानेश्वर गौतमका अनुसार आगामी बैशाख २१ गते मंगलबार बिहान ६ बजेदेखि बैशाख ३१ गते मध्यरातसम्मका लागि निषेधाज्ञा जारी गरिएको हो । यसअघि कास्कीमा जोर विजोरका आधारमा सवारी साधन सञ्चालनको अनुमति दिइएको भएपनि अब मंगलबारबाट भने अत्याश्यक सामग्री एवं मालवाहक ढुवानीका सवारी साधन, सञ्चारकर्मी, सुरक्षाकर्मी तथा स्वास्थ्यकर्मीलगायतका अत्यावश्यक सेवा भनेर सरकारले तोकेका क्षेत्रमा कार्यरत व्यक्ति र उनीहरुले प्रयोग गर्ने सवारी साधनबाहेक अन्य सञ्चालनमा रोक लगाइएको छ । यस अवधिमा सभा, समारोह, मेला, महोत्सवलगायत सञ्चालनमा पनि रोक लगाइएको छ । यस अवधिमा दैनिक उभोग्यय बस्तुको पसल बिहान ५ बजेदेखि ९ बजेसम्म मात्रै सञ्चालन गर्न पाइनेछ ।

औषधी पसल बाहेक अन्य सबै पसलहरु यस अवधिमा बन्द गर्नुपर्ने स्थानीय प्रशासनले जारी गरेको सूचनामा उल्लेख छ । अत्यावश्यक कामले बाहिर निस्कनेहरुको हकमा भने अत्यावश्यक कार्यालय भनेर सरकारले तोकेको कार्यालयका सवारी साधन, त्यसमा सवार कर्मचारीको परिचयपत्र अनिवार्य रुपमा देखाउनुपर्ने व्यवस्था गरिएको छ। नियम नमान्नेलाई कारबाहीको दायरामा ल्याउन तथा अनुगमनका लागि सडकमा व्यापक मात्रामा प्रहरी परिचालन गर्ने जिल्ला प्रशासन कार्यालयले जनाएको छ ।
स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित
२०८२ बैशाख १५ गते सोमबार
२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...
बिकट हिमाली जिल्ला बाजुरामा एकै परिवारका ५ जना वेपत्ता
२०७७ आश्विन १९ गते सोमबार
०५ अक्टोबर, २०२०मार्तडी, बाजुरा । विगत ४ दिनदेखि वेपत्ता...
झुल्कियो इस्वी सम्वत् २०२० को पहिलो घाम
२०७६ पुष १६ गते बुधबार
०१ जनवरी २०२०विगतका वर्षहरुमा जस्तै घरका भित्ताहरुमा राखिएका अंग्रेजी...
बुटबलका व्यवसायीको नयाँ योजना : भारतमा रोजगारी गुमाएका दक्ष नेपाली कामदारलाई रोजगारी दिने घोषणा
२०७७ जेठ २२ गते बिहिबार
०४ जुन, २०२०गोलपार्क, बुटबल । यतिबेला कोरोना भाइरसका संक्रमणका...
सैन्य ‘कु’ का विरुद्ध भएको प्रदर्शनमा गोली लागेर म्यानमारमा १० को मृत्यु, दर्जनौं घाइते
२०७७ फाल्गुन १६ गते आइतबार
२८ फेब्रुअरी, २०२१यांगुन, म्यान्मार । करिब एक महिना अघि...
Top