देशभर ६०३ जनामा संक्रमण देखिँदा २५४ जना उपत्यकामा

Best Khabar Team | २०२६ पुष १७ गते बिहिबार

१४ अप्रिल, २०२१
काठमाडौं । केहीदिनयता देशभर कोरोना संक्रमितको संख्या ह्वात्तै बढ्न थालेको छ। पछिल्लो २४ घण्टायता मात्रै देशभर थप ६ सय ३ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयले दिएको जानकारी अनुसार २४ घण्टायता गरिएको परीक्षणका क्रममा थप ६ सय ३ जनामा कोरोना देखिएको हो। यस्तै गएको सोमबार यता देशभर १३ हजार नमुना परीक्षण भएकोमा १ हजार ५ सय ३६ जनामा कोरोना देखिएको छ ।

पछिल्लो २४ घण्टामा देशभर ४ हजार ५६ जना सक्रिय संक्रमित रहेका छन् । जुन अहिले कोरोनाको सामना गरिरहेका सक्रिय संक्रमितहरु हुन् । पछिल्लो २४ घण्टायता काठमाडौं उपत्यकाका तीनवटै जिल्लामा कोरोना संक्रमितको संख्या बढ्दो दरमा देखिन थालेको छ । मन्त्रालयले आज दिएको जानकारी अनुसार भक्तपुरमा २० ललितपुरमा ६१ र काठमाडौंमा १ सय ७४ गरी २ सय ५४ जना संक्रमित उपत्यकामा थपिएका छन् । यस्तै पछिल्लो २४ घण्टामा कोरोनाका कारण ८० जना आइसियु र २५ जना भ्यान्टिलेटरमा भर्ना भएर उपचार गराईरहेका छन् ।

Comment from facebook