धनकुटा र मोरङ्मा भेटिए पहिलो पटक कोरोना संक्रमित, संक्रमितको संख्या २९५ पुग्यो

Best Khabar Team | २०७७ जेठ ४ गते आइतबार

१७ मे, २०२०
भेडेटार । पूर्वी नेपालको धनकुटा र मोरङ्गमा पहिलो पटक कोरोना संक्रमित भेटिएका छन् । मोरङ्ग जिल्लाको विराटनगरमा आज पहिलो पटक २ जनामा कोरोना संक्रमण पुष्टि भएको हो । जिल्ला जनस्वास्थ्य कार्यालयले जानकारी दिएको जानकारी अनुसार उनीहरुको स्वाब परीक्षणका क्रममा विपी कोइराला स्वस्थ्य विज्ञान प्रतिष्ठानबाट आएको रिपोर्टमा उनीहरुमा कोरोना भएको पुष्टि भएको हो । छ । यस्तै धनकुटामा पनि एकजना संक्रमित भेटिएका छन् ।

धनकुटाकी ३५ वर्षकी एक महिलामा कोरोना संक्रमण पुष्टि भएको हो । विपी कोइराला स्वास्थ्य विज्ञान प्रतिष्ठानमा गरिएको परीक्षमा तीनैजनामा कोरोना संक्रमण पुष्टि भएको हो । विराटनगरमा भेटिएका २ जना संक्रमित पुरुष रहेका छन् । उनीहरु ३६ र २९ वर्षका छन् । यसअघि प्रदेशनम्बर एकको झापा, उदयपुर र भोजपुरमा कोरोना संक्रमित भेटिएका थिए । यो सँगै नेपालमा कोरोना संक्रमितको संख्या २ सय ९५ पुगेको छ । यस्तै ३६ जना उपचारपछि घर फर्केका छन् भने हालसम्म कोरोका कारण २ जनाको ज्यान गै सकेको छ ।