वीरगञ्जमा युवतीको शंकास्पद मृत्यु !

Best Khabar Team | २०२६ पुष १७ गते बिहिबार

२६ अप्रिल, २०२०
काठमाडौं । पर्साको वीरगञ्जमा एक ‘शंकास्पद कोरोना संक्रमित’ युवतीको मृत्यु भएको छ । प्राप्त जानकारी अनुसार पछिल्लो ३ पटकसम्म गरिएको -यापिड डाइग्नोसिस टेस्ट (अर्थात आरडिटी टेस्ट) मा ती युवतीमा कोरोना संक्रमण भेटिएको थियो । रक्त क्यान्सरबाट पीडित युवतीमा पछिल्लो केही दिनयता कोरोनासँग मिल्दोजुल्दो लक्षण देखिएपछि अस्पतालले उनको स्वाब परीक्षण गरेको थियो । तर तीनपटक गरिएको परीक्षणमा पनि उनमा कोरोना देखिएपछि त्यसको थप पुष्टिका लागि स्वाब हिजो साँझ हेटौडा पठाइएको छ ।

पर्साको वीरगन्ज महानगरपालिका वडा नम्बर १० अशोकवाटिका बस्ने २३ वर्षकी ती युवतीले नियमित रुपमा भरतपुर क्यान्सर अस्पतालमा उपचार गराउँदै आएकी थिइन् । तर केही सातायता उनमा कोरोनासँग मिल्दोजुल्दो लक्षण देखिएपछि स्थानीय तराई हस्पिटलमा भर्ना गरेर आरडिटी टेष्ट गरिएको थियो । सोही अस्पतालमा गरिएको तीन पटकको टेस्टबाट रिपोर्ट पेजेटिभ आएपनि उनलाई नारायणी अस्पतालको चिकित्सकको टोलीले स्वाब टेस्ट गरेको थियो । त्यस क्रममा पनि पोजेटिभ रिपोर्ट आएपछि उनलाई वीरगञ्जस्थित नारायणी अस्पताल लैजाने क्रममा बाटैमा मृत्यु भएको बताइएको छ ।

उनको मृत्यु कोरोनाकै कारण भएको वा अन्य कारणले भन्ने पुष्टि हेटौडा अस्पतालको रिपोर्ट पछि हुनेछ । नेपालमा अहिलेसम्म कोरोना संक्रमणबाट एकजनाको पनि मृत्यु भएको छैन । हालसम्म कोरोना संक्रमित ५१ मध्ये ६ जना उपचारपछि घर फर्केका छन् । जसमा तीनजना भारतीय नागरिक रहेका छन् ।