युद्धकालमा मारिएका ५ हजार मान्छेको जिम्मा लिन तयार छु : प्रचण्ड

Best Khabar Team | २०२६ पुष १७ गते बिहिबार

१५ जनवरी, २०२०
काठमाडौं । तत्कालीन १० वर्षे सशस्त्र युद्धका क्रममा करिब १७ हजार मान्छेको ज्यान गएको घटनाका विषयमा नेकपाका अध्यक्ष पुष्पकमल दाहालले आज काठमाडौंमा कटाक्ष गरेका छन् । युद्दकालमा १७ हजार मान्छे मरेको भएपनि त्यो सबै माओवादीले नमारेको उनको भनाई छ ।

तत्कालीन ‘सामान्ती राजाहरु’ले १२ हजार मान्छे मारेको दाबी गर्दै उनले बाँकी ५ हजार मान्छे मारेको जिम्मा लिन आफू तयार रहेको बताए । काठमाडौंको टुँडीखेलमा आज माघी कार्यक्रमलाई सम्बोधन गर्दै उनले युद्धकालमा मारिएका सबैको जिम्मा आफूहरुले लिन नसक्ने भन्दै तत्कालीन राजा पनि घटनाप्रति जिम्मेवार हुनुपर्ने बताए ।

युद्द आफूहरुको कारणले भएपनि हताहतीको सबै घटनामा आफूहरु जिम्मेवार नभएको उनको भनाई छ । आफूहरुलाई अनावश्यक रुपमा युद्धकालीन घटनाको दोष थोपरिएको भन्दै उनले यो न्यायोचित नभएको प्रष्ट पारे । एक फरक प्रसंगमा प्रचण्डले कैलालीको टिकापुर हत्याकाण्डका मुख्य आरोपी रेशम चौधरीलाई छिट्टै रिहा गर्ने तयारी भैरहेको जानकारी दिए ।

Comment from facebook