नेपाल भ्रमण २०२० : जनवरी १ मा काठमाडौंमा विशेष कार्यक्रम, १० लाख सहभागी हुँदै

Best Khabar Team | २०७६ पुष ७ गते सोमबार

२४ डिसेम्बर, २०१९
काठमाडौं । नेपाल भ्रमण वर्ष २०२० लाई मध्यनजर गर्दै काठमाडौंमा विशेष कार्यक्रम आयोजना गरिने भएको छ । नेपाल भ्रमण वर्ष सचिवालयका अनुसार सरकारले आगमा पुस १६ अर्थात् जनवरी १ तारिकका दिन काठमाडौंको दरशथ रंगशालामा विशेष समारोहको आयोजना गर्न लागेका हो ।

सो समारोहबाटै नेपाल भ्रमणवर्ष २०२० को औपचारिक सुरुवात गरिने छ । कार्यक्रममा सहभागिता जनाउन सबै सरकारी, निजी तथा गैरसरकारी संघ संस्थाका प्रतिनिधिहरुलाई आमन्त्रण गरिसकिएको छ । यस्तै विभिन्न जातजाति, भाषाभाषी, धर्म र संम्प्रदायको सांस्कृतिक झाँकी तथा प्रस्तुती पनि कार्यक्रममा रहने छन् । सो कार्यक्रमम १० लाख जनाको उपस्थिति गराउने महत्वकांक्षी लक्ष्य सरकारले राखेको छ ।

क्यालेण्डर नै बनाएर नेपाल भ्रमण वर्ष भित्रै थप ३० मुख्य पर्यटकीय क्षेत्रलाई विस्तार गर्ने लक्ष्यसमेत राखेको नेपाल भ्रमण वर्ष सचिवालयका सदस्यसचिव बच्चुनारायण श्रेष्ठको भनाई छ । सरकारले नेपाल भ्रमण वर्ष सफल बनाउन देश तथा विदेशमा समेत विभिन्न कार्यक्रम आयोजना गर्दै आइरहेको छ । सन् २०२० मा सरकारले २० लाख विदेशी पर्यटक नेपाल भित्र्या-उने तयारी गरेको छ ।