धादिङ्गको त्रिपुरासुन्दरी गाउँपालिकाले उता-र्यो विदेशबाट आउनेको सूची, सबै आ-आफ्नै घरको क्वारेन्टाइनमा (नामावलीसहित)

Best Khabar Team | २०२६ पुष १७ गते बिहिबार


२९ मार्च, २०२०
सल्यानटार । धादिङ्गको उत्तरी क्षेत्रमा पर्ने त्रिपुरासुन्दरी गाउँपालिकाले गाउँपालिका क्षेत्रभित्र हालै विदेशबाट आएकाहरुको सूची तयार गरेको छ । गाउँपालिका र स्थानीय वडाको सक्रियतामा तयार गरीको सूचीमा ४८ जना पछिल्लो दुई सातायता भारत, मलेसिया, कतारलगायतका मुलुकबाट त्रिपुरासुन्दरी गाउँपालिकाका विभिन्न वडास्थित आफ्नो घर फर्कनेहरु छन् ।

यसरी फर्केकाहरु सबै कम्तीमा १४ दिनको क्वारेन्टाइनमा आ आफ्नै घरमा रहेको बताइएको छ । उनीहरु सबैको अवस्था सामान्य रहेको गाउँपालिकाका अध्यक्ष शम्भु थापाले वेष्टखबर डटकमलाई जानकारी दिएका छन् । थापाका अनुसार कोरोना नियन्त्रण गर्ने सरकारको योजना र कार्यक्रम अनुसार गाउँपालिकाले विदेशबाट आउनेहरुको सूची तयार गरी उनीहरुलाई आ–आफ्नै घरको क्वारेन्टाइनमा राखिएको हो ।

त्रिपुरासुन्दरी गाउँपालिकाले जस्तै देशका सबै गाउँपालिका र नगरपालिकाले पनि पछिल्लो २ सातायता विदेशबाट आउनेको सूची तयार गरी उनीहरुलाई सरकारी क्वारेन्टाइन वा त्यो असम्भव भए आफ्नै घरमा क्वारेन्टाइनमा राख्ने व्यवस्था गर्नसके कोरोनाको संक्रमण फैलन नपाउने थापा बताउँछन् । पछिल्लो समयमा विदेशबाट फर्केका धादिङ्गका एक युवकमा कोरोनाको संक्रमण भै हाल टेकुस्थित सरुवारोग अस्पतालमा उपचार भै रहेको छ । उनको अवस्था सामान्य रहेको बताइएको छ ।

यो सँगै सिँगो धादिङ्गमा कोरोना सचेतना तथा यसको रोकथामका लागि सरकारी तथा निजी क्षेत्रबाट आवश्यक सचेतना अपनाउन थालिएको छ ।



Comment from facebook



थप खबर पढ्नुहोस्
ललितपुरबाट सुनपसल लुट्ने ३ भारतीय सतुंगलमा समातिए ललितपुरबाट सुनपसल लुट्ने ३ भारतीय सतुंगलमा समातिए

२०७७ मंशिर १७ गते बुधबार

१२ फेब्रुअरी, २०२० काठमाडौं । प्रहरीले ललितपुरस्थित एक सुनपसलबाट...

कोरोनाको प्रकोप रोक्न क्यानडा र अमेरिकाबीचको सीमा नाका बन्द कोरोनाको प्रकोप रोक्न क्यानडा र अमेरिकाबीचको सीमा नाका बन्द

२०२६ पुष १७ गते बिहिबार

१९ मार्च, २०२०टोरन्टो । पछिल्लो समयमा विश्वभर महामारीको रुपमा...

धादिङ्गको त्रिपुरासुन्दरी गाउँपालिकामा ७ जनामा कोरोना संक्रमण पुष्टि धादिङ्गको त्रिपुरासुन्दरी गाउँपालिकामा ७ जनामा कोरोना संक्रमण पुष्टि

२०७७ कार्तिक २१ गते शुक्रबार

११ जुन, २०२०सल्यानटार, धादिङ्ग । धादिङ्गको त्रिपुरासुन्दरी गाउँपालिका वडा...

Top