तिहार पर्व शुरु : आज काग तिहार, कुकुर तिहार तथा लक्ष्मी पुजा एकैदिन

Best Khabar Team | २०८० कार्तिक २५ गते शनिबार

११ नोभेम्बर, २०२३
काठमाडौैं । हिन्दु नेपालीहरुको दोश्रो ठूलो चाड तिहार आजबाट शुरुभएको छ । यमपञ्चकको पहिलो दिन आज नेपालीहरुले कागतिहार पर्व मनाउँदैछन् । हरेक वर्षको कात्तिक कृष्ण त्रयोदशीदेखि शुरुहुने यमपञ्चक यो वर्ष शनिबारबाट शुरुभएको हो । यमपञ्चकको पहिलो दिन आज घर घरमा कागको पुजाआजा गरिँदैछ । परिवर्तन तथा सूचनाको सम्वाहको रुपमा मानिने कागलाई मनपर्ने खानेकुरा दिएर आज कागतिहार मनाउने गरिन्छ ।

आजैकै दिन धनत्रयोदशी (धनतेरस) मनाइँदै छ । आजै धनवन्तरी जन्यती समेत परेको नेपाल पञ्चाङ्ग निर्णायक समितिले जनाएको छ । यो वर्ष तिथि घटबढका कारण भोलि कागतिहार तथा लक्ष्मीपुजा एकैपटक परेको छ । भोलि बिहान सबेरै नरक स्नान गरेर बिहान कुकुर पुजा गर्ने तथा बेलुका घरघरमा धनधान्यकी देवी लक्ष्मीको पुजा आराधना गरिने छ । यस्तै यो वर्ष कात्तिक २९ गते बुधबार बिहान १० बजेर ५१ मिनेट जाँदा भाईटिका रहेको समितिले जनाएको छ ।

Comment from facebook