ब्रुनाई, कम्बोडिया, भियतनाम तथा इक्वेडरका लागि नेपाली राजदूत नियुक्त

Best Khabar Team | २०२६ पुष १७ गते बिहिबार

१८ डिसेम्बर, २०१९
काठमाडौं । सरकारले विभिन्न ४ देशका लागि आवासीय राजदूत तथा स्थायी प्रतिनिधि नियुक्त गरेको छ । नेपाल सरकार मन्त्रीपरिषद्को बैठकले गरेको निर्णय अनुसार राष्ट्रपति विद्यादेवी भण्डारीले आज संविधानको धारा २ सय ८२ को उपधारा १ बमोजिम राजदूत नियुक्त गर्नुभएको राष्ट्रपति कार्यालयले जनाएको छ ।

नियुक्त गरिएका राजदूतहरुमा ब्रुनाई तथा दारुसलामका लागि उदयराज पाण्डे, कम्बोडिया, लाओस र भियतनामका लागि गणेशप्रसाद ढकाल, इक्वेडरका लागि अमृतबहादुर राई तथा क्यूवाका लागि भृगु ढुंगा रहनुभएको छ ।

पाण्डेले मलेसिया बसेर ब्रुनाई र दारुसलामस्थित नेपाली दुतावासको काम हेर्नुहुनेछ भने ढकालले थाइल्याण्डमा बसेर, राईले अमेरिकामा बसेर तथा ढुंगानाले क्यानडा बसेर तोकिएका देशको जिम्मेवारी सम्हाल्नुहुने बताइएको छ ।