काठमाडौं छिर्न लागेका २४ जनामा कोरोना संक्रमण भेटिएपछि दैनिक १२ घण्टा काठमाडौं प्रवेशमा रोक

Best Khabar Team | २०२६ पुष १७ गते बिहिबार

३० जुलाई, २०२०
काठमाडौं । विगत केहीदिनयता काठमाडौं प्रवेश गर्ने क्रममा काठमाडौंको थानकोट नाकामा स्वाब लिइएका मध्ये २४ जनामा कोरोना संक्रमण पुष्टि भएपछि सरकारले फेरि काठमाडौं प्रवेशमा आशिंक रोक लगाएको छ । नेपाल सरकार मन्त्रीपरिषद्को निर्णय अनुसार गृहमन्त्रालयले हरेक दिन साँझ ७ बजेदेखि बिहान ७ बजेसम्म काठमाडौं प्रवेश गर्ने यात्रुबाहक निजी तथा सार्वजनिक सवारी साधनमा रोक लगाउने निर्णय गरेको हो ।

यद्यपि विरामी बोकेका वा अत्यावश्यक सेवा प्रवाहमा रहेका सवारी साधन तथा व्यक्तिहरुको हकमा यो नियम लागू नहुने मन्त्रालयले स्पष्ट पारेको छ । मन्त्रालयले आज एक विज्ञप्ति निकालेर आज ैसाँझ देखि लागू हुने गरी यो नियम जारी गरेको जनाएको छ । गृहमन्त्रालयले जारी गरेको सूचनामा एउटा जिल्लाबाट अर्को जिल्लामा प्रवेश गर्ने सवारी साधनको हकमा पनि अत्यावश्यक र विशेष अवस्थामा मात्रै पास जारी गर्न र पूर्ण निगरानी बढाउन सम्बन्धित जिल्ला प्रशासन कार्यालय र सुरक्षा निकायलगायत सरोकारवालाहरुलाई निर्देशन दिइएको छ ।

गएको साउन ७ गतेदेखि सरकारले देशव्यापी रुपमा लकडाउन खुकुलो पारेसँगै अहिले उपत्यकालगायतका विभिन्न जिल्लामा छोटो दुरीका गाडीहरु निर्वाध रुपमा सञ्चालन भै रहेका छन् । जसका कारण पछिल्ला दिनहरुमा कोरोना संक्रमितको संख्या पनि ह्वात्तै बढ्न थालेको छ।