Best Khabar Team | २०२६ पुष १७ गते बिहिबार
२६ मार्च, २०२१
काठमाडौं । पूर्वमन्त्री एवं नेपाली काँग्रेसका नेता नविन्द्रराज जोशीको आज राति निधन भएको छ । फागुन १३ गते मतिष्कघात भएपछि काठमाडौंको नर्भिक अस्पतालमा उपचाररत जोशीको आज राति करिब साढे ८ बजे निधन भएको अस्पतालले जनाएको छ । गत फागुन १३ गते बिहान सबेरै जोशीलाई एक्कासी मस्तिष्कघात भएपछि जोशीलाई उपचारको लागि थापाथलीस्थित नर्भिक अस्पतालमा भर्ना गरिएको थियो ।
अस्पतालमा उपचार गराउँदासमेत उनको स्वास्थ्यमा खासै सुधार हुन सकेको थिएन । पछिल्लो केहीदिनयता उनलाई अस्पतालको भ्यान्टिलेटरमा राखेर उपचार गरिँदै थियो । २०३६ सालदेखि विद्यार्थी राजनीतिबाट राजनीतिमा प्रवेश गरेका जोशी काठमाडौं महानगरपालिकाका पूर्वउपमेयर समेत भै सकेका थि । यस्तै उनी संविधानसभामा काठमाडौं क्षेत्र नम्बर ८ बाट नेपाली काँग्रेसको तर्फबाट निर्वाचित समेत भएका थिए ।
विगतमा जोशीले नेपाल विद्यार्थी संघको काठमाडौं जिल्ला अध्यक्ष र केन्द्रीय महामन्त्रीको जिम्मेदारी समेत निर्वाह गरिसकेका थिए । उनी नेपाल सरकारका पूर्व उद्योगमन्त्री समेत रहेका थिए ।काठमाडौं उपत्यकामा लोकप्रिय नेताको रुपमा परिचित नेता जोशी मन्त्री भएकै बेला नेपाल औषधि लिमिटेड पुनः सञ्चालनमा आएको थियो । विक्रम सम्बत २०१९ असार ३ गते जोशी काठमाडौंमा जन्मिएका थिए ।
२०२६ पुष १७ गते बिहिबार
२१ जुलाई, २०२१बेइजिङ्ग, चीन । पछिल्ला २४ घण्टादेखि दिनका...
२०२६ पुष १७ गते बिहिबार
२३ जुन, २०२०डुम्रे, तनहुँ । तहुँ जिल्लाको पर्यटकीय नगरीको...
२०२६ पुष १७ गते बिहिबार
२१ जनवरी, २०२०लिंकरोभर, बेल्जियम । अबैधरुपमा युरोप छिर्न खोजेका...
२०७७ भाद्र २० गते शनिबार
०९ मे, २०२०काठमाडौं । भारतले नेपाली भूमि मिचेर चीनको...
Top