फोटोमा हेर्नुस् राष्ट्रिय टोपी दिवस

०१ जनवरी, २०२०
काठमाडौं । राष्ट्रिय टोपी दिवसको अवसरमा आज देश तथा विदेशमा रहेका नेपालीहरुले विभिन्न कार्यक्रम आयोजना गरिरहेका छन् । नेपाल र नेपालीको पहिचानसँग जोडिएको टोपीको संरक्षण र यसको अन्र्तराष्ट्रियकरण गर्ने उद्देश्यले अंग्रेजी नयाँवर्षको दिन राष्ट्रिय टोपी दिवस मनाउने गरिन्छ । यही क्रममा काठमाडौंको ठमेलमा पनि आज टोपी दिवस आयोजना गरिएको थियो ।

सो कार्यक्रममा ठमेल क्षेत्रमा पर्यटन व्यवसाय सञ्चालन गरिरहेका पर्यटन व्यवसायी, विदेशी पर्यटकलगायतको सहभागिता रहेको थियो । कार्यक्रममा सहभागी हुन आएका विदेशी पर्यटकहरुलाई नेपाली टोपी लगाएर स्वागत गरिएको टोपी दिवस अभियान्ता जनार्दन अर्यालले जानकारी दिनुभयो । कार्यक्रमको तस्वीरहरु टोपी दिवस अभियान्ता तथा बरिष्ठ फोटो पत्रकार अर्यालको फेसबुकबाट साभार गरिएको हो । पछिल्ला वर्षहरुमा टोपी दिवस देशका साथै विदेशमा रहेका नेपालीहरुले समेत मनाउन थालेका छन् ।