धादिङ्गमा जीप दुर्घटना, ४ को मृत्यु, १२ घाइते

Best Khabar Team | २०७६ असार ६ गते शुक्रबार

२१ जुन, २०१९
धादिङ्ग । धादिङ्गको गजुरी गाउँपालिकामा जीप दुर्घटना हुँदा ४ यात्रुको ज्यान गएको छ भने अन्य १२ जना घाइते भएको छन् । जिल्ला प्रहरी कार्यालयका अनुसार गजुरी गाउँ पालिका वडा नम्बर ४ को कार्कीडाँडाबाट तरकारी लिएर गल्छी जाँदै गरेको सो जीप गजुरीको बाँझगाउँमा दुर्घटनामा परेको हो ।

र्दुघटनामा गल्छीका ३८ वर्षका राजु रम्तेल, सेतु मिजार, वडा नम्बर ६ का ३० वर्षकी कान्छी भुजेल र नानु तामाङको ज्यान गएको हो । दुर्घटनामा ज्यान गुमाउने सबै कृषक भएको बताइएको छ । उनीहरु बा १८ च ९४०८ नम्बरको जीपमा तरकारी लोड गरेर बजार तर्फ जाँदै थिए । घाइतेहरुलाई स्थानीय अस्पतालमा उपचारार्थ भर्ना गरिएको छ ।

५ जना घाइतेलाई थप उपचारका लागि काठमाडौं पठाइएको छ । कच्ची सडकमा क्षमताभन्दा बढी यात्रु रहेका कारण जीपले नियन्त्रण गुमाएर दुर्घटना भएको प्रहरीको भनाई छ । कच्ची सडक, घुमाउरो र साँघुरो मोडबाट जीप ५० मिटर तल खसेको छ । जीप चालक सुजन रम्तेल फरार रहेको र उनीको खोजी भै रहेको छ ।