गतवर्ष भन्दा १ सय मेट्रिक टन बढी कन्दमुल काठमाडौं भित्रि-यो, भारबाट तरुल बढी आयात

Best Khabar Team | २०७६ पुष २९ गते मंगलबार

१४ जनवरी, २०२०
काठमाडौं । विशेषत हिन्दुहरुले मनाउने माघे संक्रान्ति पर्वलाई मध्यनजगर गर्दै काठमाडौं उपत्यकाभित्र ठूलो मात्रामा तरुल, पिँडालु र सखरखण्ड भित्रिएको छ । काठमाडौंको सबैभन्दा ठूलो तरकारी तथा फलफूल बजार, कालीमाटी तरकारी तथा फलफूल बजारमा गतवर्ष माघे संक्रान्तिका बेला ९ सय ९९ सय मेट्रिकटन कन्दमुल भित्रिएको भएपनि यो वर्षको यही समयमा करिब १ हजार मेट्रिकटन तरुल र २ सय ७० मेट्रिक सखरखण्ड र ३ सय मेट्रिकटन पिँडालु भित्रएको छ ।

यसरी काठमाडौं भित्रिएका तरुल मध्ये ७१ हजार ९ सय केजी तरुल भने भारतबाट ल्याइएको हो । यसपटक सबैभन्दा बढी तरुल तराईको जिल्ला सर्लाहीबाट काठमाडौ भित्रिएको छ । माघे संक्रान्ति अर्थात् मकर संक्रान्तिको अवसरमा घ्यू, चाकु, तरुल, पिँडालु, सखरखण्ड,लगायत खाने प्रचलन रहेको छ ।

चिसो भगाउन तथा शरिरमा स्फूर्ति राख्नका लागि परापूर्वकालदेखि नै माघेसंक्रान्तिमा यी कन्दमुल खाने प्रचलन रहेको छ । विभिन्न जाति र समुदायले यो पर्वलाई धुमधामका साथ मनाउने गर्दछन् ।

Comment from facebook