काँग्रेस नेता जोशीको अवस्था ‘गम्भीर’, भेन्टिलेटरमा राखेर उपचार गरिँदै

Best Khabar Team | २०२६ पुष १७ गते बिहिबार


२६ फेब्रुअरी, २०२१
काठमाडौं । पूर्वमन्त्री एवं नेपाली काँग्रेसका नेता नविन्द्रराज जोशीको स्वास्थ्य अवस्था गम्भीर रहेको अस्पतालले जनाएको छ । मस्तिष्कघात भएपछि गएराति उपचारका लागि अस्पताल पु-याइएका जोशीको हाल थापाथलीस्थित नर्भिक अस्पतालमा उपचार भै रहेको छ । उनको उपचारमा संलग्न चिकित्सकहरुका अनुसार नेता जोशीलाई अहिले भ्येन्टिलेटरमा राखेर उपचार गरिँदैछ ।

उनको अवस्था गम्भीर र खतरापूर्ण रहेको अस्पतालले जनाएको छ । तर अस्पतालमा ल्याउँदाको बेला जस्तै स्वास्थ्य अवस्था स्थिर रहेको भन्दै अस्पतालले उनलाई बचाउने सम्भावना रहेको बताएको छ । गएराति एक्कासी बाँया हात र खुट्टा बाउँडिने समस्या देखिएपनि जोशीले परिवारका सदस्यलाई आफूलाई उपचारका लागि अस्पताल लैजान आग्रह गरेका थिए । लगत्तै उनका परिवारका सदस्यले जोशीलाई काठमाडौंको वीर अस्पतालमा उपचारार्थ भर्ना गराएका थिए । वीर अस्पतालमा उनको मस्तिष्कमा रगत जमेको पुष्टि भएपछि उनको नर्भिक अस्पतालमा टाउकोको सल्यक्रिया गरी जमेको रगत निकालिएको थियो ।

फाइल तस्वीर : नविन्द्रराज जोशी ।

बरिष्ठ न्यूरो सर्जन राजीव झा सहितको टोलीले जोशीको उपचार गरिरहेको छ । उपचारमा संलग्न चिकित्सकहरुले दिएको जानकारी अनुसार जोशीको एउटा आँखा फुल्लिएको छ । जसको अर्थ दिमागको आधा हिस्साले काम गर्न छाडेको भन्ने बुझिने डा झाले बताए । यस्तै फोक्सोमा बान्ता गएकोले चिकित्सकहरुले त्यसलाई निकाल्ने काम समेत गरेका छन् । वीर अस्पतालमा लैजाँदासम्म जोशीले गाडीमा परिवारका सदस्यसँग बोल्दै गरेको भएपनि अस्पतालमा पुगेपछि भने उनी बेहोस बनेका थिए ।

विगत लामो समयदेखि उच्च रक्तचाप तथा मधुमेहको रोगबाट पीडित जोशीले रगत पातलो बनाउने औषधी समेत सेवन गर्दै आएका छन् । जसका कारण उनलाई तत्काल थप शल्यक्रिया गर्न कठिन हुने चिकित्सकहरुले बताएका छन् ।

उनको स्वास्थ्य अवस्था बुझ्नका लागि बिहानैदेखि काँग्रेसका नेता तथा कार्यकर्ताहरु अस्पताल परिसरमा भेला भएका छन् ।जोशी नेपाल सरकारको पूर्व उद्योग मन्त्री हुन् ।



Comment from facebook



थप खबर पढ्नुहोस्
अमेरिकामा कोरोनाबाट ज्यान गुमाउनेको संख्या एक लाख नाघ्यो अमेरिकामा कोरोनाबाट ज्यान गुमाउनेको संख्या एक लाख नाघ्यो

२०२६ पुष १७ गते बिहिबार

२६ मे, २०२०न्यूर्योक । कोरोना भाइरस (कोभिड १९) को...

बेलायतबाट नेपाल आउने सबै उडानमा रोक लगाउने सरकारको निर्णय बेलायतबाट नेपाल आउने सबै उडानमा रोक लगाउने सरकारको निर्णय

२०२६ पुष १७ गते बिहिबार

२२ डिसेम्बर, २०२०काठमाडौं । नेपालले बेलायतबाट नेपालमा हुने सबै...

प्रेम प्रस्ताव अस्वीकारको बहानामा काठमाडौंमा ‘तेजाव’ आक्रमण भएको खुलासा : दुई पक्राउ प्रेम प्रस्ताव अस्वीकारको बहानामा काठमाडौंमा ‘तेजाव’ आक्रमण भएको खुलासा : दुई पक्राउ

२०२६ पुष १७ गते बिहिबार

२४ जुलाई, २०२०काठमाडौं । काठमाण्डौंको सितापाईलामा हिजो साँझ एक...

कोरोनाको इपिसेन्टर बनेको इटलीले पर्यटकलाई स्वागत गर्न शुरु ग-यो कोरोनाको इपिसेन्टर बनेको इटलीले पर्यटकलाई स्वागत गर्न शुरु ग-यो

२०७६ फाल्गुन २३ गते शुक्रबार

०३ जुन, २०२०रोम । युरोपमा कोरोनाको इपिसेन्टरको रुपमा रहेको...

Top