कोरोनाका कारण दुबईमा एक नेपालीको मृत्यु

Best Khabar Team | २०७७ आश्विन १९ गते सोमबार

१०मे, २०२०
दुबई । संयुक्त अरब इमिरेट्सको दुबई शहरमा कोरोना संक्रमणमा परी एक नेपालीको ज्यान गएको छ । दुबईस्थित गैरआवासीय नेपाली संघले दिएको जानकारी अनुसार पुर्खौली घर नेपालको गुल्मी जिल्ला घर भएका ३९ वर्षका चुडामणि ढकालको कोरोनाका कारण ज्यान गएको हो । कोरोनाको संक्रमणमा परेका ढकाल विगत २ सातादेखि अबुधावीको एक स्थानीय अस्पतालमा उपचाररत थिए ।

तर उनको उपचारकै क्रममा शनिबार ज्यान गएको हो । सामान्य अवस्थाका ढकाल विगत १५ वर्षदेखि दुबईमा बस्दै आएका थिए । तर उनमा कोरोनाको संक्रमण देखिएपछि अस्पतालमा उपचारत थिए । ढकालको परिवारकामा अपांगता भएका छोरा, एक छोरी र श्रीमती रहेका छन् ।

उनीहरुको पारिवारिक अवस्था पनि दयनीय रहेको भन्दै उनको परिवारको सहयोगका लागि एनआरएन दुबईले सबैमा अनुरोध समेत गरेको छ । हाल उनको परिवारका सदस्यहरु कपिलबस्तुको बाँडगंगामा बस्दै आएका छन् ।