टर्की–सिरिया भूकम्प : मृतकको संख्या ३६ हजार नाघ्यो

Best Khabar Team | २०७९ फाल्गुन १ गते सोमबार

१३ फेब्रुअरी, २०२३
इस्तानबुल । टर्की र सिरियामा गतसाता गएको भूकम्पमा परी हालसम्म ३६ हजारभन्दा बढीको ज्यान गै सकेको गएको पुष्टि भएको छ । टर्की र सिरियाको विपत् व्यवस्थापन आयोगलाई हलावा दिँदै राष्ट्रसंघले जारी गरेको पछिल्लो तथ्यांक अनुसार हालसम्म टर्कीमा भूकम्पबाट सोमबार साँझसम्म साढे ३१ हजार भन्दा बढीको ज्यान गै सकेको छ ।

तस्वीर साभार : *Adem Altan | AFP | Getty Images*

यता सिरियामा पनि भूकम्पमा परी ज्यान जानेको संख्या ४ हजार ३ सय नाघेको छ । सरकारी अधिकारीहरुका अनुसार मृतकको संख्या अझै बढ्ने अनुमान गरिएको छ । विपत् व्यवस्थापनमा खटिएका अधिकारीहरुका अनुसार कतिपय भवनमा पुरिएकाहरुको अझै उद्दार गर्न सकिएको छैन भने अस्पतालमा घाइतेहरुको संख्या पनि उल्लेख्य बढेको छ । अस्पतालमा भर्ना गरिएकामध्ये कतिपयको अवस्था गम्भीर छ । सरकारी अधिकारीहरुले मृतकको संख्या दोब्बर हुने अनुमान गरेको छन् ।

भूकम्पमा परेर च्यापिएकाहरुको जीवितै उद्दार गर्ने सम्भावना भने लगभग सकिएको बताइएको छ । उद्दार कार्यसकिएसँगै अब भूकम्पमा परेकाहरुको लागि आवश्यक पर्ने खानेकुरा, बासस्थान तथा उनीहरुको लागि आवश्यक पर्ने स्वास्थ्य सेवालगाययतका विषययमा उद्दारकर्ताहरुले ध्यान दिन थालेका छन् । टर्कीमा तापमान घट्ने क्रममा रहेका कारण उद्दार कार्यमा कठिनाई भएको तथा भूकम्प पीडितहरुका लागि अवश्यक पर्ने बासस्थान, खानेकुरालगायत उपलब्ध गराउन कठिनाई भै रहेको छ ।