देशैभरी माघेझरी, हिमाली जिल्लामा हिमपात, आइतबारदेखि मौसममा सुधार आउने

Best Khabar Team | २०२६ पुष १७ गते बिहिबार

१७ जनवरी, २०२०
काठमाडौं । पश्चिमी बायुको न्यून चापीय प्रणाली सक्रिय हुँदा गएरातिदेखि देशका लगभग सबै क्षेत्रमा वर्षा भै रहेको छ । काठमाडौं उपत्यका र आसापसका जिल्लामा पनि गएरातिदेखि बर्षा जारी छ । पहाडी तथा तराईका जिल्लामा वर्षा भै रहेपनि हिमाली जिल्लाहरुमा भने हिमपात भै रहेको । विशेष गरी धादिङ्गका उत्तरी क्षेत्र रुविभ्याली, गोर्खाको सामागाउँ, चुमभ्याली, मनाङ्ग, मुस्ताङ्ग, डोल्पा, दैलेखलगायतका जिल्लाको उत्तरी भागमा हिमपात भै रहेको छ । कतिपय ठाउँमा हिमपातका कारण जनजीवनसमेत कष्टकर बनेको छ ।

माघे झरीका तराईका जिल्लाहरुमा चिसो बढेको छ । चिसो बढेका कारण बृद्धबृद्धा र बालबालिकाको अवस्था कष्टकर बनेको छ । पानी पर्नेक्रम आइतबारसम्म जारी रहने मौसम पूर्वानुमान महाशाखाको भनाई छ । महाशाखाले आइतबाररातिदेखि विस्तारै मौसममा सुधार आउने अनुमान गरेको छ । महाशाखाले जारी गरेको बुलेटिन अनुसार आज दिउँसो पश्चिम तथा मध्यको उच्च पहाडी तथा हिमाली भेगका थोरै स्थानहरुमा भारी हिमपातको सम्भावना रहेको छ ।

मौसम पूर्वानुमान बुलेटिन (Weather Forecast Bulletin)

नेपाल सरकार

उर्जा, जलस्रोत तथा सिंचाई मन्त्रालय

जल तथा मौसम विज्ञान विभाग

मौसम पूर्वानुमान महाशाखा

मौसम पूर्वानुमान बुलेटिन (Weather Forecast Bulletin)

(जारी मितिः २०७६-१०-०३, बिहान ६:०० बजे)

मौसम विश्लेषण) Meteorological Analysis):-

नेपालमा पश्चिमी न्युन चापीय प्रणालीको प्रभाव रहेको छ।

मौसमको अवस्था )Present Weather Status):

नेपालको पश्चिमी ,मध्य भू-भागमा र पुर्वी पहाडी भू-भागमा सामान्य देखि पूर्णतया बदली रहेको छ।

आगामी तीन दिनको मौसम पूर्वानुमान

माघ ३ गते (शुक्रबार)
दिउँसो : देशभर सामान्य देखि पुर्ण बदली रहनेछ ।देशका अधिकांश स्थानहरुमा हल्का देखि मध्यम वर्षाको संभावना रहेको छ । उच्च पहाडी तथा हिमाली भेगका अधिकांश स्थानहरुमा हल्का देखि मध्यम हिमपातको सम्भावना रहेको छ भने पश्चिम तथा मध्यको उच्च पहाडी तथा हिमाली भेगका थोरै स्थानहरुमा भारी हिमपातको सम्भावना रहेको छ ।

रातीः देशभर आंशिक देखि सामान्य बदली रहनेछ। देशका केही स्थानहरुमा हल्का बर्षा हुने देखिन्छ भने उच्च पहाडी तथा हिमाली भेगका केही स्थानहरुमा हल्का हिमपातको संभाबना रहेको छ।

माघ ४ गते (शनिबार)
दिउँसो : देशभर आन्शिक देखि सामान्य बदली रहनेछ। पहाडी भू-भागका थोरै स्थानहरुमा हल्का वर्षा हुने देखिन्छ भने पश्चिमी उच्च पहाडी तथा हिमाली भेगका केहि स्थानहरुमा हल्का हिमपातको सम्भावना रहेको छ ।

रातीः देशको पहाडी भू-भागमा आंशिक देखि सामान्य बदली भई पश्चिमी पहाडी भू-भागका थोरै स्थानमा हल्का बर्षा हुन सक्ने संभावना रहेको छ।

माघ ५ गते (आइतबार)
दिउँसो : देशको पहाडी भू-भागमा आंशिक बदली भई पहाडी भू-भागका थोरै स्थानमा हल्का बर्षा हुन सक्ने संभावना रहेको छ।

रातीः देशको पहाडी भू-भागमा आंशिक बदली तथा बाँकी भू-भागमा मौसम सामान्यतया सफा रहने छ।

आगामी २४ घण्टाका लागि चेतावनी तथा परामर्श (Warning/Advisory for next 24 hrs.):–
देशका अधिकांश स्थानहरुमा हल्का देखि मध्यम वर्षाको तथा उच्च पहाडी तथा हिमाली भेगमा हल्का देखि मध्यम हिमपातका साथै मध्य र पश्चिमका उच्च पहाडी तथा हिमाली भेगका थोरै स्थानहरुमा भारी हिमपातको सम्भावना रहेकोले सतर्कता अपनाउन तथा यसबाट हुने चिसोबाट बच्न हुन सर्वसाधारण लाई अनुरोध छ ।