अस्ताए गन्धर्व संस्कृतिका ‘बादशाह’ धनबहादुर

Best Khabar Team | २०२६ पुष १७ गते बिहिबार

२५ जनवरी, २०२१
लेकसाईड, पोखरा । गन्धर्व संस्कृतिको एक धरोहरका रुपमा रहेका गायक धनबहादुर गन्धर्व (गायक) आज ब्रह्मलीन भएका छन् । दर्जनौं चर्चित गीतहरुमा संगीत तथा शब्द दिएका धनबहादुरको उपचारको क्रममा आज कास्की जिल्लास्थित पोखराको मनिपाल अस्पतालमा निधन भएको परिवारले जनाएको छ ।

तस्वीर : जगन्नाथ उलक मेमोरियल ट्रस्टका संस्थापक सुनिल उलकको फेसबुकबाट साभार ।

विगत केही समयदेखि छाति तथा फोक्सोसम्बन्धी समस्याबाट ग्रस्त भएपछि गायकको मनिपाल अस्पतालमा राखेर उपचार गरिएको थियो । २०२१ सालमा पोखरामा जन्मिएका थिए । उनले गन्धर्व जातिको पहिचान बोकेको सारंगीको संरक्षण र प्रबद्र्धन गर्ने उद्देश्यले पोखरामा सारङ्गी संरक्षण पाठशाला सञ्चालनमा ल्याएका थिए ।

स्वर्गीय झलकमान गन्धर्व (धनबहादुरका मामा) को सम्झनामा सञ्चालनमा रहेको झलकमान गन्धर्व सारङ्गी संरक्षण पाठशालामा ८ वर्षदेखि २५ वर्ष उमेर समूहका युवा समूहले सारंगी बजाउन सिकिरहेका छन् । सारंगीका साथै उनी मादल बजाउन पनि पोख्त मानिन्छन् । उनले राष्ट्रिय तथा क्षेत्रीय स्तरमा थुप्रै पुरस्कारहरु प्राप्त गरिसकेका थिए । स्वर्गीय गायकप्रति श्रद्दासुमनसहित उनको शब्द तथा संगीतमा रहेको यो चर्चित गीत सुन्न तलको लिंकमा क्लिक गर्नुहोला ।

अस्ताए गन्धर्व संस्कृतिका ‘बादशाह’ धनबहादुर

Comment from facebook